அமெரிக்க அதிபர் தேர்தல்: 2012ம் ஆண்டு சாதனை முறியடிப்பு

வாஷிங்டன்: அமெரிக்க அதிபர் தேர்தலில் முன்கூட்டியே வாக்களிக்கும் முறையில் 2012ம் ஆண்டு சாதனை முறியடிக்கப்பட்டுள்ளது.

அமெரிக்க அதிபர் தேர்தலுக்கு முன்பே வாக்களிக்கும் முறையில் இதுவரை 3 கோடியே 5 லட்சம் பேர் வாக்களித்து கடந்த 2012ம் ஆண்டு தேர்தல் சாதனையான 3 கோடியே 2 லட்சம் என்ற சாதனயை முறியடித்துள்ளனர்.

பல மாகாணங்களில் 2012ம் ஆண்டு பதிவான வாக்குகளை விட, இந்த ஆண்டு முன்கூட்டியே வாக்களிக்கும் முறையில் ஏராளமானோர் வாக்களித்து விட்டனர் என்று தேர்தல் நிபுணர் மைக்கேல் மெக்டொனால்ட் கூறியுள்ளார்.

2008ம் ஆண்டு அதிபர் தேர்தலில் முன்கூட்டியே வாக்களிக்கும் முறையில் 29.7 சதவீதம் பேர் வாக்களித்த நிலையில், இது 2012ல் 31.6 சதவீதமாக உயர்ந்தது.

அமெரிக்க அதிபர் தேர்தலில், ஜனநாயகக் கட்சி வேட்பாளராக ஹிலாரி கிளிண்டனும், குடியரசுக் கட்சி வேட்பாளராக டொனால்டு டிரம்ப்பும் போட்டியிடுகின்றனர்.