பிரிட்டனில் கரோனா வைரஸ் நோய்த் தொற்றால் பாதிக்கப்பட்டவர்களின் எண்ணிக்கை லட்சத்தை தாண்டியது.

ஐரோப்பிய நாடுகளில் கரோனா கோரத்தாண்டவம் ஆடி வருகிறது. அதில் பிரிட்டனும் அடங்கும். இங்கு கரோனா வைரஸ் நோய்த் தொற்றால் கடந்த 24 மணி நேரத்தில் 861 பேர் பலியாகியுள்ளனர்.

இத்துடன் பிரிட்டனில் நோய்த் தொற்றால் பலியானோரின் எண்ணிக்கை 13,729 ஆக உயர்ந்துள்ளது. மேலும் அந்நாட்டில் கடந்த 24 மணி நேரத்தில் புதிதாக 4,617 பேருக்கு கரோனா பாதிப்பு உறுதி செய்யப்பட்டுள்ளது.

இத்துடன் பிரிட்டனில் கரோனாவால் பாதிக்கப்பட்டவர்களின் எண்ணிக்கை 1,03,093ஆக உயர்ந்துள்ளது.