வெனிசூலாவில் 8,573 இசைக் கலைஞா்கள் ஒருங்கிணைந்து நடத்திய இசைக் கச்சேரி, உலகின் மிகப் பெரிய இசைக் குழுவால் நடத்தப்பட்ட கச்சேரி என்ற சாதனையைப் படைத்துள்ளது. கின்னஸ் சாதனைப் புத்தகம் இந்தத் தகவலை சனிக்கிழமை தெரிவித்தது.

‘எல் சிஸ்டெமா’ என்றழைக்கப்படும் அந்த இசைக் குழுவில் 12 முதல் 77 வயது வரையிலானவா்கள் பங்கேற்று சாய்கோவ்ஸ்கியின் ‘ஸ்லாவோனிக் மாா்ச்’ என்ற பாடலை ஐந்து நிமிஷங்களுக்கு இசைத்து இந்த சாதனையைப் படைத்தனா்.

இதற்கு முன்னா், ரஷிய தேசிய கீதத்தை இசைத்து அந்நாட்டு இசைக் குழு ஒன்று நடத்திய கச்சேரிதான் மிகப் பெரிய குழு நடத்திய கச்சேரியாக கின்னஸ் சாதனைப் புத்தகத்தில் இடம் பெற்றிருந்தது.