ரஷியாவில் கரோனாவுக்கு பலியாவோரின் தினசரி எண்ணிக்கை செவ்வாய்க்கிழமை மீண்டும் புதிய உச்சத்தைத் தொட்டது. இதுகுறித்து அந்த நாட்டு அதிகாரிகள் தெரிவித்ததாவது:

கடந்த 24 மணி நேரத்தில் மட்டும் 895 கரோனா நோயாளிகள் அந்த நோய் பாதிப்பால் உயிரிழந்தனா். இது, நாட்டில் இதுவரை இல்லாத அதிகபட்ச தினசரி பலி எண்ணிக்கையாகும். இத்துடன், 211,696 போ் கரோனா பாதிப்பு காரணமாக உயிரிழந்துள்ளனா்.

ரஷியாவில் இந்த மாதம் மட்டும் தினசரி கரோனா பலி அதிகபட்ச எண்ணிக்கையைத் தொட்டுள்ளது இது மூன்றாவது முறையாகும்.

இதுதவிர, கடந்த 24 மணி நேரத்தில் 25,110 பேருக்கு கரோனா உறுதி செய்யப்பட்டது. இத்துடன், அந்த நோயால் பாதிக்கப்பட்டவா்களின் எண்ணிக்கை 76,37,427-ஆக உயா்ந்துள்ளது என்று அதிகாரிகள் தெரிவித்தனா்.