ஆப்கானிஸ்தானில் சிறுபான்மையினராக இருக்கும் ஷியா ஹசாரா சமூகத்தினரை குறிவைத்து அண்மையில் நடத்தப்பட்ட 2 குண்டுவெடிப்புகளுக்கு ஐ.எஸ். பயங்கரவாத அமைப்பு வெள்ளிக்கிழமை பொறுப்பேற்றது.

ஆப்கானிஸ்தானில் ஷியா ஹசாரா சமூகத்தைச் சோ்ந்தவா்களைக் குறிவைத்து தொடா் தாக்குதல்கள் நடத்தப்பட்டு வருகின்றன. குறிப்பாக, ஆப்கானிஸ்தானின் கோராசான் மாகாணத்திலிருந்து செயல்பட்டு வரும் ‘ஐ.எஸ்.-கே’ என்ற பயங்கராவத அமைப்பு மசூதிகள், பொது பேருந்துகள் மற்றும் பள்ளிகளைக் குறிவைத்து இதுபோன்ற தாக்குதல்களை நடத்தி வருகிறது.

அதுபோல, ஆப்கனிஸ்தானின் மஸாா்-ஏ-ஷெரீஃப் நகரில் வியாழக்கிழமை அடுத்தடுத்து சக்திவாய்ந்த 2 குண்டுகள் வெடித்தன. இந்தத் தாக்குதலில், 9 போ் உயிரிழந்ததாகவும், 13 போ் காயமடைந்ததாகவும் தலிபான் அதிகாரிகள் தெரிவித்தனா்.

இந்தக் குண்டுவெடிப்புக்கு ஆப்கானிஸ்தானில் இருந்து செயல்படும் ஐ.எஸ். அமைப்பு பொறுப்பேற்றுள்ளது. இதுதொடா்பாக அந்த அமைப்பு வெள்ளிக்கிழமை வெளியிட்ட அறிக்கையில், ‘மஸாா்-ஏ-ஷரீஃபில் நடத்தப்பட்ட 2 குண்டுவெடிப்பு தாக்குதல்களில் ஷியா ஹசாரா சமூகத்தைச் சோ்ந்த 30 போ் கொல்லப்பட்டிருக்கலாம் அல்லது காயமடைந்திருக்கலாம்’ என்று தெரிவித்துள்ளது.

மஸாா்-ஏ-ஷெரீஃப் நகரில் கடந்த வாரமும் இதுபோன்ற குண்டுவெடிப்பு தாக்குதல் நடத்தப்பட்டது. அதில் மசூதி ஒன்றில் வழிபாட்டில் ஈடுபட்டு வந்த 33 ஷியா ஹசாரா முஸ்லிம்கள் கொல்லப்பட்டனா். மேலும், மசூதியை ஒட்டியுள்ள மதரஸாவில் படித்துவந்த மாணவா்களும் காயமடைந்தனா்.