இஸ்ரேலின் கல்வி முறையை ஆராய இந்தியாவின் தலைசிறந்த கல்விக் குழுவினா் 24 போ் அந்நாட்டுக்கு பயணம் மேற்கொண்டுள்ளனா்.

கடந்த 21-ஆம் தேதி முதல் வெள்ளிக்கிழமை வரையில் இந்தியக் குழுவினா் இஸ்ரேலில் உள்ள கல்வி நிறுவனங்களையும், கல்லி அமைச்சகம், இஸ்ரேல் சா்வதேச ஏற்றுமதி ஒருங்கிணைப்பு நிறுவனம், தேசிய ஸ்டாா்ட் அப் நிறுவனம், மைன்ட்செட் மற்றும் சிமோன் பிரிஸ் பள்ளி ஆகியவற்றில் நடைபெற்ற பல்வேறு கருத்தரங்குகளில் பங்கேற்றுள்ளனா்.

இஸ்ரேலுக்கு இந்தியாவில் இருந்து கல்விக் குழுவினா் சென்று இதுபோன்று ஆராய்வது இதுவே முதல் முறையாகும். இருநாட்டினரும் கல்வித் துறையில் கடைப்பிடிக்கப்படும் சிறந்த திறன் முறை செயல்பாடுகள் குறித்தும் கல்வித் துறையில் இணைந்து செயல்பட்டால் உருவாகும் வாய்ப்புகள் குறித்தும் ஆலோசித்தனா் என்று இந்தியாவுக்கான இஸ்ரேல் தூதா் நாவுா் கிளான் தெரிவித்தாா்.

இஸ்ரேல் வெளிநாட்டு வா்த்தகம், நிதி அமைச்சகமும், இந்திய இஸ்ரேல் தூதரகமும் இணைந்து ஏற்பாடு செய்த இந்தப் பயணத்தில் ‘ஃபிக்கி அரைஸ்’ என்ற இந்திய பள்ளிகளின் கூட்டமைப்பு சாா்பில் 24 தலைசிறந்த கல்விக் குழுவினா் பங்கேற்றனா்.