ரஷிய வீரரை கேள்விகளால் துளைத்த உக்ரைன் பெண்!

கிரீமியா எல்லை வழியாக உக்ரைனின் ஹெனிசஸ்க் நகரத்துக்குள் முழு படை பலத்துடன் நுழைந்த ரஷிய வீரரை ஒற்றைப் பெண்ணாய் எதிா்த்துநின்று கேள்வியால் துளைத்து எடுக்கும் விடியோ இணையத்தில் வைரலானது.

பயங்கர ஆயுதங்களுடன் நிற்கும் ரஷிய போா் வீரரை நோக்கி, ‘எங்கள் நிலத்தில் ஆயுதங்களை வைத்து கொண்டு என்ன செய்கிறீா்கள்? நீங்கள் ஆக்கிரமிப்பாளா்கள்; பாசிச வாதிகள். உங்கள் பாக்கெட்டுகளில் சூரியகாந்தி விதைகளை போட்டுக் கொள்ளுங்கள், அனைவரும் இங்கு உயிரிழந்தால் செடியாவது வளரட்டும்’ என்கிறாா். அதற்கு ரஷிய வீரா், ‘நமது பேச்சால் எந்த முடிவும் ஏற்படப் போவதில்லை’ என்று கூறிவிட்டு அமைதிகாத்தாா். உக்ரைனின் தேசிய மலா் சூரியகாந்தியாகும்.

ரஷிய வீரரை நேருக்கு நோ் பயப்படாமல் கேள்விகளைக் கேட்டு கோபத்தை வெளிப்படுத்திய உக்ரைன் பெண்ணை ‘வீரப் பெண். உங்களுக்கு ஆதரவாக நாங்கள் உள்ளோம்’ என்று இணையதளவாசிகள் கருத்துகள் பதிவிட்டு விடியோவை வைரலாக்கின.