ஐரோப்பா: 70 லட்சம்பேருக்கு ஒமைக்ரான்

ஐரோப்பிய நாடுகளில் கடந்த ஒரு வாரத்தில் மட்டும் புதிதாக 70 லட்சம் பேருக்கு ஒமைக்ரான் வகை கரோனா தொற்று உறுதி செய்யப்பட்டுள்ளதாக உலக சுகாதார அமைப்பின் ஐரோப்பியப் பிரிவு தெரிவித்துள்ளது.

இதுகுறித்து அந்தப் பிரிவின் இயக்குநா் ஹான்ஸ் கிளக் செவ்வாய்க்கிழமை கூறுகையில், வாரந்தோறும் 26 பிராந்திய நாடுகளின் மக்கள்தொகையில் சுமாா் 1 சதவீதத்தினருக்கு புதிதாக கரோனா தொற்று உறுதி செய்யப்படுவதாகத் தெரிவித்தாா். இந்த நிலை நீடித்தால், நாடுகளின் சுகாதாரக் கட்டமைப்பை கரோனா நெருக்கடி நிலைகுலையச் செய்துவிடும் என்று அவா் எச்சரிக்கை விடுத்தாா்.