உலகளவில் உச்சம் தொட்ட திரைப்படத் தயாரிப்பு நிறுவனங்களில் ஒன்றான மார்வல் ஸ்டூடியோஸ் தற்போது பல புதிய படங்களைத் தயாரித்து வருகிறது. அதில் 'ஒன்டர் மேன்' (wonder man) திரைப்படமும் முக்கிய தயாரிப்பாக இருக்கிறது. 

இந்நிலையில் ஒன்டர் மேன் படப்பிடிப்புத் தளத்தில் கடந்த செவ்வாய்க்கிழமை பணியாளர் ஒருவர் உயிரிழந்த சம்பவம் அனைவரையும் சோகத்தில் ஆழ்த்தியுள்ளது. ஒன்டர் மேன் படப்பிடிப்பில் ரிக்கராக பணிபுரிந்த அவர், செட்டில் உயரமான இடத்திலிருந்து தவறி விழுந்ததாகக் கூறப்படுகிறது. 

'அவரின் குடும்பத்திற்கு எங்களது வருத்தங்களைத் தெரிவித்துக்கொள்கிறோம். இந்த விபத்து தொடர்பான விசாரணைக்கு எங்களது முழு ஒத்துழைப்பையும் அளிக்கிறோம்' என மார்வலின் செய்தித் தொடர்பாளர் தெரிவித்துள்ளார். 

இதையும் படிக்க: வியட்நாமில் அடுத்தடுத்து 5  நிலநடுக்கங்கள்!

'எங்களது உறுப்பினரின் குடும்பத்திற்கு ஆதரவளிக்க எல்லா முயற்சிகளையும் செய்துவருகிறோம்' என சர்வதேச நாடக மேடை ஊழியர்கள் அமைப்பின் தலைவர் தெரிவித்துள்ளார்.