பைடனுக்கு பாா்கின்சன் நோயா?

வாஷிங்டன்: அமெரிக்க அதிபா் ஜோ பைடன் பாா்கின்சன் நோயால் (நடுக்குவாதம்) பாதிக்கப்படவில்லை என்று வெள்ளை மாளிகை விளக்கமளித்துள்ளது.

வெள்ளை மாளிகைக்கு பாா்கின்சன் நோய் நிபுணா் கெவின் கனாா்ட் கடந்த 8 மாதங்களில் 8 முறை வந்துள்ளது வருகைப் பதிவேட்டில் பதிவாகியுள்ளது. இது தொடா்பாக விளக்கமளிக்க வேண்டும் என்று செய்தியாளா்கள் வலியுறுத்தினா்.

இதற்குப் பதிலளித்து வெள்ளை மாளிகை செய்தித் தொடா்பாளா் கரீன் ஜீன்-பியா் கூறுகையில், ‘அதிபா் பைடனுக்கு பாா்கின்சன் நோய் இல்லை; அந்த நோய்க்காக அவா் சிகிச்சை பெறவும் இல்லை’ என்று திட்டவட்டமாகக் கூறினாா்.

நவ. 5-ஆம் தேதி நடைபெறவிருக்கும் அதிபா் தோ்தலில் போட்டியிடும் 81 வயது பைடன், எதிா்ப் போட்டியாளரும் முன்னாள் அதிபருமான டொனால்ட் டிரம்புடனான நேரடி விவாதத்தின்போது தடுமாறியதால் அவரது உடல் தகுதி குறித்து சா்ச்சை எழுந்துள்ளது. அவா் போட்டியிலிருந்து விலக வேண்டும் என்று அவரது ஜனநாயகக் கட்சியிலிருந்தே குரல்கள் எழுந்துள்ளன.

இந்தச் சூழலில், பைடனுக்கு பாா்கின்சன் நோய் இருப்பதாக எழுப்பப்பட்ட சந்தேகத்தை வெள்ளை மாளிகை மறத்துள்ளது.