உக்ரைன் விவகாரம்: டிரம்ப்புடன் ரஷியா பேச்சுவார்த்தை நடத்தவில்லை!

மாஸ்கோ: ரஷிய அதிபர் விளாதிமீர் புதினுடன் அமெரிக்க அதிபராகும் டொனால்ட் டிரம்ப் தொலைபேசியில் தொடர்புகொண்டு பேசவில்லை என்று ரஷிய அதிபர் மாளிகை தரப்பில் தெரிவிக்கப்பட்டுள்ளது. முன்னதாக, இருநாட்டுத் தலைவர்களும் தொலைபேசியில் உரையாடியதாக செய்தி வெளியாகியிருந்த நிலையில், அதனை ரஷியா மறுத்துள்ளது.

இது குறித்து, ரஷிய அதிபர் மாளிகை செய்தித்தொடர்பாளர் டிமிட்ரி பெஸ்கோவ் செய்தியாளர்களுடன் பேசுகையில், “இது தவறான தகவல்” என்று விளக்களித்துள்ளார். டொனால்ட் டிரம்ப்பின் செய்தித் தொடர்பு இயக்குநர் ஸ்டீவன் செங்க்கும் ரஷிய அதிபருடனான தொலைபேசி உரையாடலை உறுதிப்படுத்தவில்லை என்பது கவனிக்கத்தக்கது.