அனுஷ்காவின் பிறந்தநாளில் வெளியான புதிய பட அறிவிப்பு!

தமிழ் மற்றும் தெலுங்கில் முன்னணியாக இருந்தவர் நடிகை அனுஷ்கா. தமிழில் ரஜனிகாந்த், அஜித், விஜய், சூர்யா என பெரும்பாலான முன்னணி நடிகர்களுக்கு ஜோடியாக நடித்துவிட்டார். குறிப்பாக பாகுபலி திரைப்படத்தின் வெற்றி அவரை இந்திய அளவில் பிரபலமான நடிகையாக்கியது. 

சமீபகாலமாக எந்த படத்திலும் நடிக்காமல் இருந்த அனுஷ்கா தற்போது புதிய படமொன்றில் நடிக்க உள்ளார். அதற்கான போஸ்டரை யுவி கிரியேஷன்ஸ் வெளியிட்டுள்ளது. இது அவரது 48வது படம் என்பது குறிப்பிடத்தக்கது. 

நிரவ் ஷா ஒளிப்பதிவில் பி.மகேஷ்பாபு இயக்கத்தில் அனுஷ்கா, நிவின் பாலிஷெட்டி இணைந்து நடிக்க உள்ளதாக தனது ட்விட்டர் பக்கத்தில் புதிய போஸ்டரை வெளியிட்டுள்ளது. இந்த போஸ்டரில் சமையல் கலைஞராக இருக்கும் படம் வெளியாகியுள்ளது. அதிக நாட்கள் ஆனாலும் இன்னும் அதேபோல் அழகாக இருப்பதாக ரசிகர்கள் கமெண்ட் செய்து வருகின்றனர். 

“பிறந்தநாள் வாழ்த்துகள் அழகான நடிகை அனுஷ்கா ஷெட்டி” என யுவி கிரியேஷன்ஸ் தனது ட்விட்டர் பக்கத்தில் பதிவிட்டுள்ளனர்.  'அன்விதா ரவளி ஷெட்டி' எனும் கதாபாத்திரத்தில் நடிப்பதாக தெரிவித்துள்ளது. 

பூஜையுடன் தொடங்கியது ஜி.வி.பிரகாஷ் நடிக்கும் புதிய படம்!

நாயகி மீண்டும் வராள்: யசோதா படத்தின் ப்ரமோஷனுக்கு தயாராகும் சமந்தா!

சிவகார்த்திகேயனின் ‘மாவீரன்’ வெளியீட்டு தேதி அறிவிப்பு?

விஜய் பட வில்லனும் அஜித் படத்தின் குழந்தை நட்சத்திரமும் இணையும் புதிய படம்!