நயன்தாரா நடிக்கும் புதிய படத்தின் பூஜை சென்னையில் இன்று நடைபெற்றது.
பாலிவுட்டில் ஷாருக்கானுக்கு ஜோடியாக நயன்தாரா நடித்த ஜவான் திரைப்படம் வெளியாகி கலவையான விமரிசனங்களை பெற்றது. இதைத் தொடர்ந்து, ஜெயம் ரவிக்கு ஜோடியாக இவர் நடித்துள்ள இறைவன் திரைப்படம் வருகிற செப்.28 ஆம் தேதி வெளியாகிறது.
நயன்தாரா முதன்மையான கதாபாத்திரத்தில் நடிக்கும் இப்படத்துக்கு மண்ணாங்கட்டி சின்ஸ் 1960 எனப் பெயரிடப்பட்டுள்ளது. கோலமாவு கோகிலா படத்துக்கு பிறகு நயன்தாராவுடன் யோகிபாபு இப்படத்தில் நடிக்கிறார்.
பிரபல யூடியூப் சேனலில் புகழ்பெற்ற டூட் விக்கி இப்படத்தை எழுதி இயக்குகிறார். ஷான் ரோல்டன் இசையமைக்கும் இப்படத்தை பிரின்ஸ் பிக்சர்ஸ் தயாரிக்கிறது.
மண்ணாங்கட்டி படத்தின் முதல் பார்வை போஸ்டர் முன்னதாக வெளியாகி, இணையத்தில் வைரலான நிலையில், இப்படத்தின் பூஜை இன்று நடைபெற்றது.
இதையும் படிக்க: ஜி.வி. பிரகாஷின் அடியே: ஓடிடி வெளியீட்டுத் தேதி அறிவிப்பு
இப்பட பூஜையில் யோகிபாபு உள்ளிட்ட படக்குழுவினர் பங்கேற்றனர். இப்படத்தின் படப்பிடிப்பு விரைவில் தொடங்கவுள்ளதாக அறிவிக்கப்பட்டுள்ளது.