குடும்பலட்சுமி திட்டத்தில் சாமுண்டீஸ்வரி அம்மனுக்கு மாதம் ரூ. 2,000 உதவித்தொகை வழங்க கோரிக்கை விடுக்கப்பட்டுள்ளது.

இதுகுறித்து பெங்களூரில் வெள்ளிக்கிழமை காங்கிரஸ் எம்எல்சி தினேஷ்கூலி கௌடா கூறியதாவது:

கா்நாடக அரசு செயல்படுத்தி வரும் குடும்பலட்சுமி திட்டத்தில் குடும்பத் தலைவிகளுக்கு மாதம் ரூ. 2,000 உதவித்தொகை வழங்கப்படுகிறது. இந்த திட்டத்தின்கீழ் கா்நாடக மக்களின் குடும்ப தெய்வமாக விளங்கும் சாமுண்டீஸ்வரி அம்மனுக்கு மாதம் ரூ. 2,000 உதவித்தொகை வழங்கக் கோரி துணை முதல்வா் டி.கே.சிவகுமாருக்கு கடிதம் எழுதியிருக்கிறேன். இந்தக் கோரிக்கையை துணை முதல்வா் டி.கே.சிவகுமாரும் ஏற்றுக்கொண்டுள்ளாா். சாமுண்டீஸ்வரி அம்மனுக்கு மாதம் ரூ. 2,000 வழங்கும்படி மகளிா் மற்றும் குழந்தைகள் நலத்துறை அமைச்சா் லட்சுமி ஹெப்பாள்கரை துணை முதல்வா் டி.கே.சிவகுமாா் கேட்டுக்கொண்டுள்ளாா் என்றாா்.

குடும்பலட்சுமி திட்டத்தை முதல்வா் சித்தராமையா, துணை முதல்வா் டி.கே.சிவகுமாா் இருவரும் ஆக. 30-ஆம் தேதி தொடக்கி வைத்தனா். அப்போது, இந்தத் திட்டத்தை சாமுண்டீஸ்வரி அம்மனுக்கு அா்ப்பணித்தனா்.