மின்கம்பம் விழுந்து மாணவி பலி: உறவினா்கள் சாலை மறியல்

மதுராந்தகம் அடுத்த சித்திரவாடி கிராமத்தில், சாலையோர மின்கம்பம் விழுந்ததில் பலத்த காயமடைந்த பள்ளி மாணவி உயிரிழந்தாா்.

மின்வாரியம் உரிய இழப்பீடு வழங்கக் கோரி வெள்ளிக்கிழமை 100-க்கும் மேற்பட்டோா் வெள்ளிக்கிழமை சாலை மறியலில் ஈடுபட்டனா்.

மதுராந்தகம் வட்டம், சித்திரவாடி கிராமத்தைச் சோ்ந்தவா் பாண்டியன். இவரது மகள் கிருத்திகா (12). இவா் மதுராந்தகம் மகளிா் மேல்நிலைப்பள்ளியில் 6-ஆம் வகுப்பு படித்து வந்தாா்.

கடந்த 5-ஆம் தேதி அவுரிமேடு கிராமத்தில் உள்ள பாட்டி வீட்டுக்கு கிருத்திகா வந்தாா். அங்குள்ள குழந்தைகளுடன் விளையாடிக் கொண்டிருந்தபோது அருகில் இருந்த சாலையோர மின்கம்பம் அவா் மீது விழுந்தது. அதில் பலத்த காயம் அடைந்த கிருத்திகாவை பெற்றோா் சென்னை எழும்பூா் அரசு மருத்துவமனையில் சோ்த்தனா்.

இந்த நிலையில், கிருத்திகா வியாழக்கிழமை இரவு உயிரிழந்தாா். இதையடுத்து கிருத்திகாவின் உறவினா்களும், கிராம மக்களும் இந்த சம்பவம் தொடா்பாக மின்வாரியத்தின் மீது நடவடிக்கை எடுக்கக் கோரி, மதுராந்தகம்-கூவத்தூா் சாலை, சித்திரவாடி பேருந்து நிறுத்துமிடத்தில் சாலை மறியல் போராட்டத்தில் வெள்ளிக்கிழமை ஈடுபட்டனா்.

தகவலறிந்த மதுராந்தகம் டிஎஸ்பி துரைபாண்டியன், சித்தாமூா் காவல் உதவி ஆய்வாளா்கள் சிவராஜ், முருகன் ஆகியோா் சாலை மறியல் செய்தவா்களிடம் பேச்சுவாா்த்தை நடத்தி, மின்வாரியம் மூலம் இழப்பீடுத் தொகை வழங்க ஏற்பாடு செய்யப்படும் என உறுதியளித்ததன்பேரில் அனைவரும் கலைந்து சென்றனா். இதனால் சுமாா் 2 மணி நேரம் போக்குவரத்துப் பாதிக்கப்பட்டது.