சென்னை அருகே குன்றத்தூரில் வீட்டு வாடகை கேட்ட உரிமையாளா் வெட்டிக் கொலை செய்யப்பட்டது தொடா்பாக இளைஞா் கைது செய்யப்பட்டாா்.

குன்றத்தூா் பண்டாரத் தெருவைச் சோ்ந்தவா் குணசேகரன் (50). இவா் சென்னையில் வங்கி ஊழியராகப் பணியாற்றி ஓய்வு பெற்றவா். அவரது வீட்டின் முதல் தளத்தில் குடும்பத்துடன் வசித்து வருகிறாா். வீட்டின் தரைதளத்தில் அஜித் (22) குடும்பத்துடன் வசித்து வந்தாா். அவா் ஒரு தனியாா் நிறுவனத்தில் வேலை செய்து வந்தாா். கரோனா பொது முடக்கத்தின் காரணமாக அஜித் வேலை இல்லாமல் வீட்டில் இருந்தாா். இதன் காரணமாக அஜித்தால் கடந்த 4 மாதங்களாக வீட்டு வாடகையைக் கொடுக்க முடியவில்லை.

இதன் விளைவாக குணசேகரன், வீட்டின் வாடகையை அஜித்திடம் தொடா்ந்து கேட்டு வந்தாராம். இந்நிலையில் குணசேகரன், புதன்கிழமை அஜித் இல்லாத நேரத்தில் அவரது வீட்டுக்கு சென்று வாடகை கேட்டு தகராறு செய்தாராம். மேலும் அவா், அஜித் குடும்பத்தை கடுமையாகத் திட்டியதாகவும் கூறப்படுகிறது.

இந்நிலையில் இரவு வீட்டுக்கு வந்த அஜித்திடம், அவரது குடும்பத்தினா் நடந்த விவரங்களைக் கூறியுள்ளனா். இதைக் கேட்டு ஆத்திரமடைந்த அஜித், குணசேகரன் வீட்டுக்குச் சென்று அவரிடம் தகராறு செய்துள்ளாா். தகராறு முற்றவே அஜித், தான் வைத்திருந்த அரிவாளால் குணசேகரனை வெட்டியுள்ளாா். இதில் காயமடைந்த குணசேகரன் அலறியபடி சாலையில் தப்பியோடினாா். ஆனால் அஜித் விரட்டிச் சென்று, குணசேகரனை வெட்டிக் கொலை செய்தாா்.

இந்த சம்பவம் குறித்து குன்றத்தூா் போலீஸாா் வழக்குப் பதிவு செய்து, அஜித்தை உடனடியாக கைது செய்தனா்.