சென்னை: பெட்ரோல், டீசல் மீதான கலால் வரியை மத்திய அரசு குறைத்ததையடுத்து, நாடு முழுவதும் அதன் விலை லிட்டருக்கு முறையே சுமாா் ரூ.9-யும், ரூ.7-யும் குறைந்துள்ளது.

நாட்டில் பணவீக்கம் அதிகரித்து வரும் நிலையில், அதனால் மக்கள் பாதிக்கப்படாமல் இருக்கும் நோக்கில் பெட்ரோல், டீசல் மீதான கலால் வரி குறைக்கப்படுவதாக மத்திய அரசு அறிவித்தது. அதன்படி பெட்ரோல் மீதான கலால் வரி லிட்டருக்கு ரூ.8-யும், டீசல் மீதான வரி லிட்டருக்கு ரூ.6-யும் குறைக்கப்படுவதாக அறிவிக்கப்பட்டது. இந்நிலையில், பெட்ரோல், டீசல் மீதான வரிக்குறைப்பு ஞாயிற்றுக்கிழமை முதல் அமலுக்கு வந்தது.

சென்னையில் குறைக்கப்பட்ட பெட்ரோல் விலை லிட்டருக்கு ரூ.102.63-ஆகவும், டீசல் விலை லிட்டருக்கு விலை ரூ.94.24-ஆகவும் விற்பனை செய்யப்படுகிறது.

இதையும் படிக்க: கிருஷ்ணகிரி அருகே புனித சூசையப்பர் ஆலய தேர் பவனி