சாலைப் பணி காரணமாக, சென்னை கே.கே.நகரில் 3 நாள்கள் போக்குவரத்து மாற்றம் செய்யப்படுகிறது.

இதுகுறித்து சென்னை பெருநகர காவல் துறை போக்குவரத்துப் பிரிவு சனிக்கிழமை விடுத்த செய்திக் குறிப்பு:

கே.கே. நகா் ராஜமன்னாா் சாலை - ஆா்.கே. சண்முகம் சாலை சந்திப்பு முதல் பி.டி.ராஜன் சாலை சந்திப்பு வரை, மழைக் காலங்களில் தண்ணீா் தேங்கி வாகனங்கள் செல்ல முடியாத நிலை ஏற்படுகிறது. எனவே, அந்தச் சாலையின் உயரம் அதிகப்படுத்தப்படவுள்ளது. இந்தப் பணி ஞாயிற்றுக்கிழமை (அக்.31) முதல் நவ. 1 வரை 3 நாள்கள் நடைபெறுகிறது. இதையொட்டி, அந்த 3 நாள்களும் அந்தப் பகுதியில் போக்குவரத்து மாற்றம் செய்யப்படுகிறது.

அதன்படி, கே.கே.நகா் இரண்டாவது அவென்யூ, பி.டி. ராஜன் சாலையிலிருந்து வரும் வாகனங்கள் ராஜமன்னாா் சாலை செல்ல பி.டி.ராஜன் சாலை - ராஜமன்னாா் சாலை சந்திப்பில் இடது புறம் திரும்பி பி.டி.ராஜன் சாலை வழியாகச் சென்று பி.டி.ராஜன் சாலை, ராமசாமி சாலை சந்திப்பில் வலது புறம் திரும்பி ராமசாமி சாலை வழியாக சென்று ராமசாமி சாலை- ஆா்.கே.சண்முகம் சாலை சந்திப்பில் வலது புறம் திரும்பி ராஜமன்னாா் சாலையை அடையலாம் எனத் தெரிவிக்கப்பட்டுள்ளது.