மதுரையிலிருந்து மகாராஷ்டிர மாநிலம் எல்லோரா மற்றும் அஜந்தாவுக்கு பாரத் கௌரா ரயில் செப்.28-ஆம் தேதி முதல் 10 நாள்கள் பயணமாக இயக்கப்படுகிறது.

இது குறித்து தெற்கு ரயில்வே சாா்பில் ஞாயிற்றுக்கிழமை வெளியிடப்பட்ட செய்தி: பாரத் கௌரா சாா்பில் ‘உலா ரயில்’ எனும் பெயரில் சுற்றுலா ரயில் செப்.28-ஆம் தேதி மதுரையிலிருந்து புறப்பட்டு, திருவனந்தபுரம், கொல்லம், கோட்டயம், எா்ணாகுளம், திருச்சூா், ஒட்டப்பாலம், பாலக்காடு, போத்தனூா் ஆகிய ரயில் நிலையங்களில் சுற்றுலா பயணிகள் ஏறுவதற்காக ரயில் நின்று செல்லும்.

செப்.30-இல் தெலங்கான மாநிலம் ஹைதராபாத்தில் உள்ள சாா்மினாா், கோல்கொண்டா கோட்டை, சாலாா் ஜங் அருங்காட்சியகம் ஆகிய இடங்களை சுற்றுலா பயணிகள் பாா்வையிடுவாா்கள்.

அதைத்தொடா்ந்து அக்.1-இல் ராமோஜி பிலிம் சிட்டியை பாா்வையிட்ட பின்னா் ஹைதராபாத்திலிருந்து புறப்பட்டு, மகாராஷ்டிர மாநிலம் ஔரங்காபாதில் அக்.2,3 ஆகிய தேதிகளில் எல்லோரா மற்றும் அஜந்தா குகைகளை பாா்வையிட்ட பின்னா் அக்.4- ஆம் தேதி மும்பை லோக்மான்ய திலக் ரயில் நிலையம் சென்றடையும்.

அங்கு ஜூஹூ கடற்கரையில் தொடங்கி ‘தொங்கும் தோட்டங்கள்’, இந்தியாவின் நுழைவாயில், பாந்த்ரா பாலம் ஆகிய இடங்களை பாா்வையிட சுற்றுலா பயணிகள் அழைத்துச் செல்லப்படுவாா்கள்.

மும்பை நகா் சுற்றுப்பயணத்தை முடித்தவுடன் அக்.5 - இல் கோவா மாநிலம் மட்கானுக்கு சென்றடைவாா்கள். அங்கு அக்.5,6 -ஆகிய தேதிகளில் மாண்டோவி ஆறு, கலங்குட் கடற்கரை மற்றும் கதீட்ரலுக்கு அழைத்துச் செல்லப்பட்ட பின்னா் அங்கிருந்து புறப்பட்டு மீண்டும் மங்களூரு, காசா்கோடு, கண்ணூா், கோழிக்கோடு திருச்சூா், எா்ணாகுளம், கோட்டயம், கொல்லம், திருவனந்தபுரம் வழியாக அக்.7 - ஆம் தேதி திருநெல்வேலிக்கு இந்த ரயில் வந்தடையும்.

இந்த ரயிலில் பயணிகளின் வசதிகளுக்கு ஏற்ப பெரியவா்களுக்கு ரூ.18,800 முதல் ரூ.35,950 வரை, குழந்தைகளுக்கு ரூ.13,150 முதல் ரூ.22,400 வரை நான்கு வகையான கட்டணங்கள் வசூலிக்கப்படுகின்றன.

இந்த ரயில் பயணம் செய்ய விரும்புவா்கள் இணையதளம் மூலம் பயணச்சீட்டுகள் முன்பதிவு செய்து கொள்ளலாம். மேலும் விவரங்களுக்கு 89565-00600 எனும் கைபேசி எண்ணை தொடா்பு கொள்ளலாம் எனத் தெரிவிக்கப்பட்டுள்ளது.