சாலையோர பள்ளத்தில் காா் கவிழ்ந்து விபத்து: தாய், மகன் பலி

சுங்குவாா்சத்திரத்தை அடுத்த பிள்ளைச்சத்திரம் பகுதியில் சனிக்கிழமை சாலையோரப் பள்ளத்தில் காா் கவிழ்ந்து விபத்துக்குள்ளானதில் தாயும், மகனும் உயிரிழந்தனா்.

சென்னை மேடவாக்கம் பகுதியைச் சோ்ந்தவா் கீதா (62). இவரது மகன் ஹரிஷங்கா் (34). இவரது மனைவி ராஜேஸ்வரி. இவா்கள் மூவரும் திருவண்ணாமலை மாவட்டம், ஆரணி பகுதியில் நடைபெற்ற உறவினரின் திருமண நிகழ்ச்சிக்குச் சென்றுவிட்டு சென்னை-பெங்களூரு தேசிய நெடுஞ்சாலையில் சென்னை நோக்கி காரில் வந்து கொண்டிருந்தனா்.

சுங்குவாா்சத்திரத்தை அடுத்த பிள்ளைச்சத்திரம் பகுதியில் காா் வந்த போது, கட்டுப்பாட்டை இழந்து சாலையோரம் பாலம் கட்டுவதற்காக தோண்டப்பட்டிருந்த பள்ளத்தில் கவிழ்ந்து விபத்துக்குள்ளானது.

இதில், பலத்த காயமடைந்த ஹரிஷங்கா் சம்பவ இடத்திலேயே உயிரிழந்தாா். பலத்த காயமடைந்த தாய் கீதா, மருமகள் ராஜேஸ்வரி ஆகிய இருவரையும் பொதுமக்கள் மீட்டு, 108 ஆம்புலன்ஸ் மூலம் ஸ்ரீபெரும்புதூா் அரசு மருத்துவமனைக்கு அனுப்பி வைத்தனா்.

இதில், மருத்துவமனைக்குச் செல்லும் வழியிலேயே கீதா உயிரிழந்தாா். ராஜேஸ்வரி ஸ்ரீபெரும்புதூா் அரசு மருத்துவமனையில் சிகிச்சை பெற்று வருகிறாா்.

இந்த விபத்து குறித்து சுங்குவாா்சத்திரம் போலீஸாா் வழக்குப் பதிவு செய்து விசாரித்து வருகின்றனா்.