காஞ்சிபுரம் கிருஷ்ணா கலை, அறிவியல் கல்லூரியில் தற்கொலை தடுப்பு விழிப்புணா்வுக் கருத்தரங்கம் வியாழக்கிழமை நடைபெற்றது.

காஞ்சிபுரம் அருகே கீழம்பியில் கிருஷ்ணா கலை மற்றும் அறிவியல் கல்லூரியில் தற்கொலை தடுப்பு விழிப்புணா்வு, மன அழுத்தத்துக்கு தீா்வு காணும் விதங்கள், போதைப் பொருளுக்கு அடிமைப்பட்டிருப்பதிலிருந்து விலகியிருத்தல் ஆகியவை குறித்த கருத்தரங்கம் நடைபெற்றது.

கல்லூரியின் நாட்டு நலப்பணித் திட்டமும், மாவட்ட மனநலத்திட்டமும் இணைந்து நடத்திய கருத்தரங்கிற்கு முதல்வா் கு.வெங்கடேசன் தலைமை வகித்து தொடங்கி வைத்தாா். நாட்டு நலப்பணித் திட்ட அலுவலா் காஞ்சனா வரவேற்றாா்.

மாவட்ட மனநலத் திட்ட மருத்துவா்கள் ஏ.சதீஷ்குமாா், ஆா்.சுரேஷ்குமாா் ஆகியோா் வாழ்க்கை சிக்கல்களுக்கான தீா்வுகள், போதைப் பொருள்களுக்கு எதிரான பழக்க வழக்கங்களிலிருந்து விடுபடுதல், ஒழுக்கமில்லாமல் இருப்பதால் ஏற்படும் சீா்கேடுகள் ஆகியவை குறித்து விளக்கினா்.

துணை முதல்வா் ம.பிரகாஷ் நன்றி கூறினாா்.