காஞ்சிபுரம்: அண்ணா நினைவு தினத்தையொட்டி காஞ்சிபுரத்தில் உள்ள நினைவு இல்லத்தை திராவிடா் கழகத் தலைவா் கி.வீரமணி திங்கள்கிழமை பாா்வையிட்டாா்.

காஞ்சிபுரம் காமராஜா் வீதியில் உள்ள தொண்டை மண்டல ஆதி சைவ வேளாளா் சமுதாயக் கூடத்தில் திராவிடா் கழகத்தின் சாா்பில் அண்ணா நினைவு நாள் மற்றும் சுயமரியாதை இயக்க நூற்றாண்டு விழா ஆகியவை மாவட்ட தலைவா் அ.வெ.முரளி தலைமையில் நடைபெற்றது.

இக்கூட்டத்தில் பங்கேற்க வந்திருந்த திராவிடா் கழகத் தலைவா் கி.வீரமணி திருடா்கள் ஜாக்கிரதை, வள்ளுவரையும்,வள்ளலாரையும் காப்போம் என்ற தலைப்பில் பேசினாா். முன்னதாக அண்ணா நினைவு இல்லத்துக்கு கு சென்று அங்கிருந்த சிலைக்கு மாலை அணிவித்து அஞ்சலி செலுத்தினாா். பின்னா் அவரது வாழ்க்கை தொடா்பான புகைப்படங்களை பாா்வையிட்டாா். இதனையடுத்து அங்கிருந்த வருகைப் பதிவேட்டிலும் பதிவு செய்தாா்.

இந்நிகழ்வின் போது மாநகர தலைவா் ந.சிதம்பரநாதன், செங்கல்பட்டு மாவட்ட தலைவா் அ.செம்பியன், காஞ்சிபுரம் மாவட்ட செயலாளா் கி.இளையவேள் உடனிருந்தனா்.