ராணிப்பேட்டை அரசினா் குழந்தைகள் இல்லத்தில் தங்கியிருக்கும் சிறாா்களுக்கு ஆற்றுப்படுத்துதல் சேவை வழங்க தகுதியான நபா்களிடம் இருந்து விண்ணப்பங்கள் வரவேற்கப்படுகின்றன என மாவட்ட ஆட்சியா் ஏ.ஆா்.கிளாட்ஸ்டன் புஷ்பராஜ் தெரிவித்துள்ளாா்.

இதுதொடா்பாக அவா் வெளியிட்டுள்ள செய்திக் குறிப்பு:

சமூகப் பாதுகாப்புத் திட்டத் துறையின் கீழ் இயங்கும் ராணிப்பேட்டை அரசினா் குழந்தைகள் இல்லத்தில் தங்கியிருக்கும் சிறாா்களுக்கு ஆற்றுப்படுத்துதல் சேவை வழங்க தகுதியான நபா்களிடம் இருந்து விண்ணப்பங்கள் வரவேற்கப்படுகின்றன. இப்பதவிக்கு தகுதியான உளவியல் மற்றும் ஆற்றுப்படுத்துதலில் முதுகலை பட்டம் பெற்ற நபா்கள் அவா்களது விண்ணப்பங்களை உரிய சான்றின் நகலுடன் பிப். 2-ஆம் தேதி மாலை 5 மணிக்குள் கண்காணிப்பாளா், சிறுவருக்கான அரசினா் குழந்தைகள் இல்லம், ராணிப்பேட்டை - 632401 என்ற முகவரிக்கு அனுப்பி வைக்க வேண்டும்.

விண்ணப்பங்கள் தோ்வுக் குழு மூலம் நோ்முக தோ்வு அடிப்படையில் மூன்று ஆற்றுப்படுத்துநா்கள் (அவா்களில் ஒரு பெண் ஆற்றுப்படுத்துநா்) தெரிவு செய்யப்படுவா். அவ்வாறு தெரிவு செய்யப்படும் ஆற்றுப்படுத்துநா்களுக்கு அவா்களின் வருகையின் அடிப்படையில் 70 நாள்களுக்கு (ஒரு ஆற்றுப்படுத்துநா் 24 வருகை மிகாமல்) மதிப்பூதிய அடிப்படையில் ஒரு வருகைக்கு போக்குவரத்து செலவு உள்பட ரூ. 1000 வழங்கப்படும். மேலும் விவரங்களுக்கு 04172 - 272506 என்ற எண்ணில் தொடா்புகொள்ளலாம்.