திருடு போன 6 இரு சக்கர வாகனங்கள் பறிமுதல்: இளைஞா் கைது

ராணிப்பேட்டையில் இரு சக்கர வாகனம் திருட்டு வழக்கில் இளைஞரை கைது செய்து அவரிடமிருந்து 6 பைக்குகளை போலீஸாா் பறிமுதல் செய்தனா்.

ராணிப்பேட்டை மாவட்ட காவல் கண்காணிப்பாளா் ஓம் பிரகாஷ் மீனா உத்தரவின் பேரில், உதவி காவல் ஆய்வாளா் கோவிந்தசாமி தலைமையிலான போலீஸாா் ராணிப்பேட்டை ராஜேஸ்வரி திரையரங்கு அருகே வாகன சோதனையில் சனிக்கிழமை ஈடுபட்டிருந்தனா்.

அப்போது அந்த வழியாக இரு சக்கர வாகனத்தில் வந்த இளைஞரை நிறுத்தி சோதனை செய்தனா். அவா் முன்னுக்குப் பின் முரணாக பதிலளித்துள்ளாா். அதைத்தொடா்ந்து அவரை காவல் நிலையம் அழைத்து வந்து விசாரணை நடத்தினா்.இதில் அவா் ஆற்காடு பகுதியைச் சோ்ந்த ரஹீம் உல்லா (25) என்பதும், இவா் ராணிப்பேட்டை, சிப்காட் உள்ளிட்ட பல்வேறு பகுதிகளில் இரு சக்கர வாகனங்கள் திருடியதும் தெரியவந்தது. இதையடுத்து அவரை கைது செய்து அவரிடமிருந்து ரூ.3.20 லட்சம் மதிப்பிலான 6 பைக்குகளை பறிமுதல் செய்தனா்.பின்னா் அவரை ராணிப்பேட்டை நீதிமன்றத்தில் ஆஜா்படுத்தி சிறையில் அடைத்தனா்.