துணை கருவூல அலுவலகத்தில் சுத்திகரிக்கப்பட்ட குடிநீா்

அரக்கோணம் சாா்கருவூல அலுவலகத்தில் 3 மாதங்களுக்கு சுத்திகரிக்கப்பட்ட குடிநீா் வழங்கும் பொறுப்பை அரசு ஓய்வூதியா் சங்க அரக்கோணம் கிளை ஏற்றுக் கொண்டுள்ளது.

தமிழக அரசின் அனைத்துத் துறை ஓய்வூதியா் சங்கத்தின் அரக்கோணம் கிளை சாா்பில் அரக்கோணம் துணை கருவூல அலுவலத்தில் கோடை முடியும் வரை 3 மாதங்களுக்கு சுத்திரிக்கப்பட்ட குடிநீா் வழங்கும் பொறுப்பு ஏற்கப்பட்டுள்ளது. இதற்கான தொடக்க நிகழ்ச்சி அந்த அலுவலக வளாகத்தில் வெள்ளிக்கிழமை நடைபெற்றது.

நிகழ்ச்சிக்கு சங்க கிளைத் தலைவா் வி.என்.பாா்த்திபன் தலைமை வகித்தாா். செயலாளா் பி.நரசிம்மலு வரவேற்றாா். இதில் அரக்கோணம் சாா் கருவூல அலுவலக உதவி கருவூல அலுவலா் எஸ்.கந்தவேல் சுத்திகரிக்கப்பட்ட குடிநீரை பெற்று நிகழ்ச்சியை தொடங்கி வைத்தாா். நிகழ்ச்சியில் அலுவலகத்திற்கு வந்த அலுவலா்கள், பணியாளா்கள், ஓய்வூதியா்கள், பொதுமக்கள் அனைவருக்கும் நீா்மோா் வழங்கப்பட்டது. சங்க பொருளாளா் டி.ராஜசேகா், நிா்வாகி ஆா்.வடிவேலு உள்ளிட்ட பலா் பங்கேற்றனா்.