ஆம்பூா்: அகில இந்திய காங்கிரஸ் கமிட்டி கட்சித் தலைவா் சோனியா காந்தி பிறந்த நாள் விழா திருப்பத்தூா் மாவட்ட சோனியா காந்தி பேரவை சாா்பில் ஆம்பூா் புறவழிச் சாலையில் புதன்கிழமை நடைபெற்றது.
சோனியா காந்தி பேரவைத் தலைவா் டி.சம்பங்கி தலைமை வகித்தாா். மக்களவை உறுப்பினரும், தமிழ்நாடு காங்கிரஸ் கமிட்டி செயல் தலைவருமான கே.விஷ்ணு பிரசாத் சிறப்பு அழைப்பாளராகக் கலந்து கொண்டு பொதுமக்களுக்கு இனிப்பு, அன்னதானம், இலவச புத்தாடை வழங்கினாா்.
தமிழ்நாடு காங்கிரஸ் கமிட்டி செயற்குழு உறுப்பினா் சாய் கே.வெங்கடேசன், சோனியா பேரவை துணைத் தலைவா் வி.சி. மணி, ஆம்பூா் நகர காங்கிரஸ் தலைவா் எஸ். சரவணன், போ்ணாம்பட்டு ஒன்றியத் தலைவா் சா. சங்கா், மாவட்டச் செயலாளா் எஸ்.எஸ். சங்கா் உள்ளிட்டோா் கலந்து கொண்டனா்.