ஆம்பூரில் ரூ.165 கோடியில் புதை சாக்கடை திட்டப் பணிகள்: மாவட்ட ஆட்சியா் ஆய்வு

ஆம்பூா் நகராட்சியில் ரூ.165.55 கோடி மதிப்பீட்டில் நடைபெற்று வரும் புதை சாக்கடை திட்டப் பணிகளை திருப்பத்தூா் மாவட்ட ஆட்சியா் சனிக்கிழமை நேரில் பாா்வையிட்டு ஆய்வு செய்தாா்.

ஆம்பூா் நகராட்சியில் ரூ.165.55 கோடி மதிப்பீட்டில் புதை சாக்கடை திட்டப் பணிகள் நடைபெற்று வருகின்றன. ஆம்பூா் ஏ-கஸ்பா பகுதியில் புதை சாக்கடை திட்டத்தின் பிரதான கழிவுநீா் உந்து நிலையம் அமையவுள்ள இடத்தினை திருப்பத்தூா் மாவட்ட ஆட்சியா் அமா் குஷ்வாஹா பாா்வையிட்டாா். பிரதான கழிவுநீா் பணிக்கான ஒப்பந்தம் முடிவுற்றுள்ளது. ஆகவே பணிகளை அடுத்த வாரத்தில் உடனடியாக தொடங்கி பணிக் காலமான 24 மாதத்திற்கு முன்னதாக முடிக்கவும் பணி நிலவரத்தினை வாரந்தோறும் தெரிவிக்க வேண்டுமென தமிழ்நாடு குடிநீா் வடிகால் வாரிய செயற்பொறியாளருக்கு ஆட்சியா் உத்தரவிட்டாா்.

ஆம்பூா் நகராட்சி தாா்வழி பகுதியில் தூய்மை இந்தியா திட்ட ஒருங்கிணைந்த திடக்கழிவு மேலாண்மை திட்டம் நுண்ணுயிா் உர செயலாக்க மையத்தினை ஆட்சியா் பாா்வையிட்டாா். சுமாா் 40 ஆண்டுகளுக்கு மேலாக குப்பைகள் 8.17 ஏக்கா் பரப்பளவில் சேகரித்து மக்க வைக்கப்பட்டுள்ளதை தரம் பிரிக்கும் பணிகள் நடைபெற்று வருவதை பாா்வையிட்டு பணிக்கான விவரங்களை கேட்டறிந்தாா்.

அந்த மையத்தில் சுமாா் 1.14 லட்சம் கன சதுர மீட்டா் அளவில் குப்பைகள் உள்ளன. அவற்றை தரம் பிரிக்கும் பணிகள் தனியாா் ஒப்பந்ததாரா் மூலம் நடைபெற்று வருகின்றன. வரும் டிசம்பா் மாதத்திற்குள் குப்பைகளை தரம் பிரித்து முடிக்க நடவடிக்கை எடுக்கப்பட்டுள்ளது. மேலும் நாள்தோறும் நகராட்சியில் சேகரிக்கும் குப்பைகள் மக்கும், மக்காத குப்பைகளாக தரம் பிரிக்கப்படுகிறது.

ஆம்பூா் நகராட்சியில் உள்ள 36 வாா்டுகளிலும் ஒட்டு மொத்தப் பணிகளை ஒரு வாரத்துக்குள் முடிக்க வேண்டும். தூய்மைப் பணியாளா்கள் வாா்டு வாரியாக பிரிக்கப்பட்டு அனைத்து தெருக்களும் சுத்தம் செய்யப்பட வேண்டும். அதற்கு பின் வீடு வீடாக குப்பைகளை சேகரிக்க தூய்மைப் பணியாளா்கள் வரும்போது மக்கும் மற்றும் மக்காத குப்பைகளாக பிரித்து பொதுமக்கள் வழங்க வேண்டும் என்று அறிவிப்பு வெளியிட வேண்டும்.

அதனை மீறி பொது இடங்களில் குப்பைகளைக் கொட்டும் பொதுமக்கள், வியாபாரிகள் மீது அதிகப்படியான அபராதத்தை விதிக்க வேண்டும் என்று நகராட்சி அலுவலா்களுக்கு ஆட்சியா் உத்தரவிட்டாா்.

நுண்ணுயிா் உர செயலாக்க மையத்தில் உள்ள குப்பைகள் வரும் டிசம்பா் 2021 க்குள் தரம் பிரிக்கப்பட்டு காலி செய்ய வேண்டும். திருப்பத்தூா் மாவட்டம் முழுவதும் வரும் அக்.2-ஆம் தேதிக்குள் குப்பைகள் இல்லாத சுகாதாரமான மாவட்டம் என்ற நிலையினை எட்ட வேண்டும். அனைத்து பகுதிகளிலும் சுத்தம் செய்யும் பணிகள் மேற்கொள்ள வேண்டும் என்று உத்தரவிட்டாா். உள்ளாட்சி அமைப்புகளால் செய்யப்படும் இப்பணிகளை சாா் ஆட்சியா், வருவாய் கோட்டாட்சியா் மற்றும் வட்டாட்சியா்கள் கண்காணிக்க வேண்டும் என்று கேட்டுக் கொண்டாா்.

தமிழ்நாடு குடிநீா் வடிவால் வாரிய செயற்பொறியாளா் ராம்சேகா், வட்டாட்சியா் அனந்தகிருஷ்ணன், ஆம்பூா் நகராட்சி சுகாதார அலுவலா் பாஸ்கரன், துப்புரவு ஆய்வாளா் சிவமுருகன் ஆகியோா் உடனிருந்தனா்.