மாதனூா் ஒன்றியத்தில் திமுகவுக்கு ஆதரவாக, ஆம்பூா் எம்எல்ஏ அ.செ.வில்வநாதன் வியாழக்கிழமை வாக்குச் சேகரித்தாா்.

மாதனூா் ஒன்றியத்துக்கு உள்பட்ட கிராம பகுதிகளில் ஊரக உள்ளாட்சி தோ்தலுக்கான வாக்குப் பதிவு அக். 9-இல் நடைபெற உள்ளது. 2-ஆம் கட்ட தோ்தல் வாக்குப் பதிவுக்கான பிரச்சாரம் வியாழக்கிழமையுடன் நிறைவடையும் நிலையில் பல்வேறு அரசியல் கட்சியினரும் இறுதிக்கட்ட பிரசாரத்தில் ஈடுபட்டனா்.

ஆம்பூா் அருகே மின்னூா் கிராமத்தில் நடந்த பிரசாரத்தில், ஒன்றியக் குழு உறுப்பினா் பதவிக்கான தோ்தலில் திமுக சாா்பாக போட்டியிடும் மாதனூா் ஒன்றிய திமுக செயலாளா் அகரம்சேரி ப.ச. சுரேஷ்குமாரை ஆதரித்து ஆம்பூா் எம்எல்ஏ அ.செ. வில்வநாதன் வாக்காளா்களைச் சந்தித்து வாக்கு சேகரித்தாா்.

நகரச் செயலாளா் எம்.ஆா். ஆறுமுகம், முன்னாள் ஒன்றியப் பொறுப்பாளா் அய்யனூா் ஆா். அசோகன், மாவட்ட விவசாய அணி அமைப்பாளா் சாமுவேல் செல்லபாண்டியன், மாவட்டப் பிரதிநிதி வில்வநாதன், மாவட்ட தகவல் தொழில்நுட்ப அணி அமைப்பாளா் ப.ச. நித்யானந்தம் மாவட்ட மருத்துவ அணி அமைப்பாளா் டாக்டா் சங்கா் உள்ளிட்டோா் உடனிருந்தனா்.