குறு சிறு தொழில் நிறுவனங்களின் குறைகளைத் தீா்க்க ஒருமுனை தீா்வுக் குழு

குறு, சிறு தொழில்களுக்கான உரிமங்கள் மற்றும் அனுமதிகள் பெறுவதில் உள்ள குறைகளைக் களைய ஒருமுனை தீா்வுக் குழு செயல்பட்டு வருவதாக ஆட்சியா் அமா் குஷ்வாஹா தெரிவித்தாா்.

திருப்பத்தூா் மாவட்டத் தொழில் மையத்தின் மாதாந்திர ஆய்வுக் கூட்டம் ஆட்சியா் அமா் குஷ்வாஹா தலைமையில் நடைபெற்றது.

இந்தக் கூட்டத்தில் ஆட்சியா் பேசியது:

குறு, சிறு மற்றும் நடுத்தர உற்பத்தி மற்றும் சேவை சாா்ந்த நிறுவனங்கள் மற்றும் ஆரம்பிக்கப்பட்டு, உற்பத்தியை தொடங்கிய தொழில் நிறுவனங்கள் தங்களுக்கு தேவையான உரிமங்கள் மற்றும் அனுமதிகள் பெறுவதில் ஏதேனும் இடா்பாடுகள் மற்றும் குறைகளை விரைந்து களைவதற்கு அந்தந்த மாவட்ட தொழில் மைய அலுவலகங்களின் மூலம் மாவட்ட ஆட்சியா் தலைமையில் ஒருமுனைத் தீா்வுக் குழு செயல்பட்டு வருகிறது.

தற்போது நிலுவையில் இருந்துவரும் அந்தந்த விண்ணப்பங்களின் மீது சம்பந்தப்பட்ட அலுவலா்கள் தனிக் கவனம் செலுத்தி விரைந்து நடவடிக்கை எடுக்க வேண்டும் என்றாா்.

கூட்டத்தில், மாவட்ட தொழில் மைய பொதுமேலாளா் ரவி, மாவட்ட முன்னோடி வங்கி மேலாளா் அருண்பாண்டியன், மகளிா் திட்ட இயக்குநா் உமா மகேஷ்வரி, மாவட்ட சுற்றுச்சூழல் அலுவலா் பிரகாஷ், மாவட்ட தொழில் மைய கண்காணிப்பாளா் சுரேஷ் உள்ளிட்டோா் கலந்து கொண்டனா்.