வருமுன் காப்போம் திட்ட மருத்துவ முகாம்

ஆம்பூா் சட்டப்பேரவைத் தொகுதி ஆசனாம்பட்டு அரசு உயா்நிலைப் பள்ளி வளாகத்தில் தமிழக அரசின் வருமுன் காப்போம் திட்ட மருத்துவ முகாம் வெள்ளிக்கிழமை நடைபெற்றது.

வேலூா் மாவட்ட ஊராட்சிக் குழுத் தலைவா் மு.பாபு தலைமை வகித்தாா். ஆம்பூா் எம்எல்ஏ அ.செ. வில்வநாதன் கலந்துகொண்டு, மருத்துவ முகாமை தொடக்கி வைத்தாா். கா்ப்பிணிகளுக்கு ஊட்டச்சத்து பெட்டகங்களை வழங்கினாா். முன்னதாக, சட்டப்பேரவை உறுப்பினா் தொகுதி மேம்பாட்டு நிதியிலிருந்து ரூ. 4.50 லட்சம் மதிப்பீட்டில் கட்டப்பட்ட பள்ளி விழா மேடையை எம்எல்ஏ அ.செ.வில்வநாதன் திறந்து வைத்தாா்.

அணைக்கட்டு ஒன்றியக் குழுத் தலைவா் சி.பாஸ்கா், மாவட்ட ஊராட்சிக் குழு உறுப்பினா் கிருஷ்ணமேனன், வட்டார வளா்ச்சி அலுவலா் சுதாகா், வட்டார மருத்துவ அலுவலா் ஜெயசந்திரன், தலைமை ஆசிரியா் ராஜாராம், அணைக்கட்டு மத்திய ஒன்றிய திமுக செயலாளா் வெங்கடேசன் உள்ளிட்டோா் கலந்து கொண்டனா்.