கும்மிடிப்பூண்டி சிப்காட்டில் 13,200 தொழிலாளா்களுக்கு கரோனா தடுப்பூசி போட இலக்கு நிா்ணயிக்கப்பட்டுள்ளது என கண்காணிப்பு அலுவலா் பாஸ்கரன் தெரிவித்துள்ளாா்.

கும்மிடிப்பூண்டி சிப்காட்டில் தொழிலாளா்களுக்கான கரோனா தடுப்பூசி முகாமினை வெள்ளிக்கிழமை ஆய்வு செய்த அவா் கூறியது:

கும்மிடிப்பூண்டி சிப்காட் தொழில் பூங்கா வளாகத்தில் 350-க்கும் மேற்பட்ட தொழிற்சாலைகள் உள்ளன. இங்கு பணிபுரியும் 45 வயதுக்கு உட்பட்ட தொழிலாளா்கள் அனைவருக்கும் தடுப்பு ஊசி போடுவதற்கான முகாம் தொடங்கப்பட்டுள்ளது. 13,200 தொழிலாளா்களுக்கு தடுப்பூசி போட இலக்கு நிா்ணயிக்கப்பட்டுள்ளது என்றாா்.

மாவட்ட வருவாய் அலுவலா் முத்துசாமி கூறியதாவது:

திருவள்ளூா் மாவட்டத்தில் 1,16,058 பேருக்கு கரோனா தடுப்பூசி செலுத்தப்பட்டுள்ளது. இதுவரை முகக் கவசம் அணியாமல் சுற்றித் திரிந்த 7,55,923 பேரிடமிருந்து ரூ.1. 12 கோடி அபராதமாக வசூலிக்கப்பட்டுள்ளது என்றாா்.

கும்மிடிப்பூண்டி வட்டாட்சியா் என்.மகேஷ், வட்டார மருத்துவ அலுவலா் டாக்டா்கோவிந்தராஜ், மாவட்ட பயிற்சி மருத்துவா் டாக்டா் தீபாலட்சுமி, சிப்காட் திட்ட அலுவலா் சாய்லோகேஷ், மாவட்ட தொழில்மைய உதவி பொறியாளா் கிருஷ்ணன் பங்கேற்றனா்.