செங்குன்றம் அருகே பள்ளி மாணவனைத் தாக்கியதாக வந்த புகாரின்பேரில், போலீஸாா் விசாரணை நடத்திவருகின்றனா்.

செங்குன்றத்தை அடுத்த சோழவரம் பாலகணேசன் நகரில் வசிப்பவா் முத்துபாஷா மகன் இமானுவேல் (16). இவா் பம்மதுகுளம் அரசு மேல்நிலைப் பள்ளியில் பயின்று வருகிறாா்.

இவா் வியாழக்கிழமை பள்ளியில் இரும்பு மேஜையை தள்ளி வைக்கும்போது, எதிா்பாராமல் கீழே விழுந்ததாராம். இதையடுத்து ஆசிரியை மாணவனை பிரம்பால் அடித்தாராம். அப்போது, இமானுவேலின் கண் பகுதி பாதிப்பு ஏற்பட்டு, சென்னை அரசு ஸ்டான்லி மருத்துவமனையில் அனுமதிக்கப்பட்டாா்.

புகாரின்பேரில் செங்குன்றம் போலீஸாா் வழக்குப் பதிந்து விசாரணை செய்து வருகின்றனா்.