கும்மிடிப்பூண்டி ஒன்றிய அதிமுக கவுன்சிலா் ரோஜா அவரது மகனுடன் கடத்தப்பட்ட சம்பவம் குறித்து 4 தனிப்படை அமைத்து மா்ம நபா்களை போலீஸாா் தேடி வருகின்றனா்.

திருவள்ளூா் மாவட்டம், கும்மிடிப்பூண்டி அடுத்த பல்லவாடாவைச் சோ்ந்த முன்னாள் ஊராட்சி மன்றத் தலைவா் ரமேஷ் குமாா் (46). திருவள்ளூா் மாவட்ட அதிமுக ஜெயலலிதா பேரவை இணைச் செயலாளராக உள்ளாா். இவரது மனைவி ரோஜா (44) கும்மிடிப்பூண்டி ஒன்றியக் குழு உறுப்பினா். இவா்களது மகள் ஜாய் (24), மகன் ஜேக்கப் (22). இந்த நிலையில் செவ்வாய்க்கிழமை ரோஜா மற்றும் அவரது மகன் ஜேக்கப் ஆகியோா் வீட்டில் இருந்தபோது, வீட்டுக்குள் அத்துமீறி நுழைந்த மா்ம நபா்கள் அவா்கள் இருவரையும் காரில் கடத்திச் சென்ாகக் கூறப்படுகிறது.

இது குறித்து ரமேஷ் கும்மிடிப்பூண்டி துணைக் காவல் கண்காணிப்பாளா் கிரியா சக்தியிடம் அளித்த புகாரின் பேரில், போலீஸாா் வழக்குப் பதிந்து விசாரணை நடத்தினாா். மேலும் அவா்கள் ஆந்திர மாநிலத்துக்கு கடத்திச் செல்லப்பட்டதாகக் கிடைத்த தகவலையடுத்து அவா்களைப் பிடிக்க 4 தனிப்படைகள் அமைக்கப்பட்டு தேடும் பணி தீவிரப்படுத்தப்பட்டுள்ளது.