ஸ்ரீவாணி டிக்கெட்டுகள் நேரடியாக விநியோகம்

சா்வரில் ஏற்பட்ட தொழில்நுட்பக் கோளாறு காரணமாக, ஸ்ரீவாணி தரிசனத்திற்கான தினசரி ஆன்லைன் டிக்கெட்டுகள் சனிக்கிழமை நேரடியாக வழங்கப்பட்டன.

திருமலையில் உள்ள அன்னமய்யா பவனுக்கு எதிரே அமைந்துள்ள ஸ்ரீவாணி தரிசன டிக்கெட் கவுண்டரில் சனிக்கிழமை மதியம் 12.30 மணி முதல் டிக்கெட்டுகள் வழங்கப்பட்டது.

டிக்கெட்டுகளைப் பெற்ற பக்தா்கள் மாலை 4 மணிக்கு வைகுண்டம் வரிசை வளாகம்-1 வழியாக தரிசனத்துக்கு சென்றனா்.

தினசரி ஒதுக்கீடான 800 டிக்கெட்டுகள் தீரும் வரை, முதலில் வருபவா்களுக்கு முன்னுரிமை என்ற அடிப்படையில் டிக்கெட்டுகள் வழங்கப்பட்டன.

ஸ்ரீவாணி தரிசனத்துக்கான ஆன்லைன் ஒதுக்கீடு ஞாயிற்றுக்கிழமை முதல் வழக்கம் போல் ஆன்லைனில் வெளியிடப்படும் என்று தேவஸ்தானம் தெரிவித்துள்ளது.