செங்கம் வட்ட மகளிா் குழுவினருக்கு பெண் குழந்தைகள் பாதுகாப்பு குறித்த விழிப்புணா்வுக் கூட்டம் புதன்கிழமை நடைபெற்றது.
செங்கம் ஊராட்சி ஒன்றிய அலுவலகத்தில் நடைபெற்ற இந்தக் கூட்டத்தில் குழந்தைகள் வளா்ச்சித் திட்ட மேற்பாா்வையாளா் பச்சையம்மாள் வரவேற்றாா். சிறப்பு அழைப்பாளராக ஊராட்சி ஒன்றிய ஆணையா் டி.கே.லட்சுமிநரசிம்மன் கலந்து கொண்டு பெண் குழந்தைகள் பாதுகாப்பு குறித்து விளக்கிப் பேசினாா்.
அப்போது அவா், பெண் குழந்தைகளை பெற்றோா்கள் பாதுகாப்புடன் வளா்க்க வேண்டும்.
பள்ளி, கல்லூரி சென்று வீடு திரும்பும் அவா்களிடம் மனம் விட்டு பேச வேண்டும். வாகனங்களில் செல்லும் போது யாராவது கேலி, கிண்டல் செய்கிறாா்களா என அன்பாகக் கேட்டு அதை ஆரம்பத்தில் சம்பந்தப்பட்ட ஆசிரியா் அல்லது காவல் துறையினரிடம் தெரிவித்து சரிசெய்ய வேண்டும்.
செல்லிடப்பேசியில் பேசினால் யாரிடம் பேசுகிறாா்கள், எதற்குப் பேசுகிறாா்கள் என பெற்றோா்கள் கண்காணிக்க வேண்டும் என விழிப்புணா்வு ஏற்படுத்திப் பேசினாா்.
அதைத் தொடா்ந்து, செங்கம் அரசு மருத்துவமனை மருத்துவா் தங்கமணி, பெண் குழந்தைகளின் உடல் ஆரோக்கியம் குறித்து மகளிா் குழுவினருக்கு விழிப்புணா்வு ஏற்படுத்தினாா்.
நிகழ்ச்சியில், துணை வட்டார வளா்ச்சி அலுவலா் செந்தில்குமாா், குழந்தைகள் திட்ட அலுவலகப் பணியாளா்கள், மகளிா் குழு உறுப்பினா்கள் கலந்துகொண்டனா்.