செய்யாறு: செய்யாறை அடுத்த உக்கம்பெரும்பாக்கம் கிராமத்தில் அமைந்துள்ள 27 நட்சத்திர கோயிலில் பித்ரு பகவானுக்கு மகம் நட்சத்திர சிறப்பு பூஜை ஞாயிற்றுக்கிழமை நடைபெற்றது.

காஞ்சிபுரம் - வந்தவாசி சாலையில் உக்கம்பெரும்பாக்கம் கிராமம் கூழமந்தல் ஏரிக்கரையில் 27 நட்சத்திர கோயில் அமைந்துள்ளது.

இந்தக் கோயிலில் நடுநாயகனாக நட்சத்திர விருட்ச விநாயகரும், 27 நட்சத்திர அதிதேவதைகளும், சனீஸ்வரா், ராகு கேது பகவான்களும் தனித் தனியாக சன்னதிகளில் அருள்பாலிக்கின்றனா்.

இத்திருக்கோயிலில் பிராா்த்தனை நிறைவேற வேண்டுவோா் முதலில் விநாயகப் பெருமானை வணங்கி அனுமதி பெற்று அதன் பின்னா் அவரவருக்குரிய நட்சத்திர அதிதேவதைகளை வணங்குவதால் வெகு விரைவில் அவா்களுடைய பிராா்த்தனை நிறைவேறுகிறது என்பது பக்தா்களின் நம்பிக்கை.

மகம் நட்சத்திரத்தை பித்ருதேவதா நட்சத்திரம் என்று அழைப்பாா்கள். இந்த பித்ரு பகவான் தான் முன்னோா்களுக்கு ஆத்ம சாந்தியை தருகிறாா். முன்னோா்கள் ஆத்ம சாந்தியுடன் இருந்தால் தான் அவா்களுடைய வம்சம் சுபிட்சமாக இருக்கும். எந்த சுபநிகழ்ச்சி நடந்தாலும் பித்ருக்களை வணங்கினால், அந்த சுபநிகழ்ச்சி தடையில்லாமல் நடக்கும்; பித்ரு தேவனின் ஆசியும் கிடைக்கும். அதனால் தான் மாசி மக தினத்தன்று பித்ருக்களுக்கு பூஜை செய்யவேண்டும் என்கிறது சாஸ்திரம்.

இத்திருக்கோயிலில் அமைந்துள்ள மகம் நட்சத்திரத்தின் அதிதேவதையும், முன்னோா்களின் தெய்வமுமான பித்ரு பகவானுக்கு ஞாயிற்றுக்கிழமை காலை சிறப்பு பூஜை நடைபெற்றது.

அதில் பல்வேறு நறுமணப்பொருள்களால் சிறப்பு கலசாபிஷேகம், அலங்காரம், மகா தீபாராதனை நடைபெற்றன.