வருமுன் காப்போம் திட்ட மருத்துவ முகாம்

கீழ்பென்னாத்தூரை அடுத்த சு.பொலக்குணம் கிராம ஊராட்சி ஒன்றிய தொடக்கப் பள்ளியில், வருமுன் காப்போம் திட்டச் சிறப்பு மருத்துவ முகாம் வெள்ளிக்கிழமை நடைபெற்றது.

முகாமுக்கு ஊராட்சித் தலைவா் குப்பு ஜெயக்குமாா் தலைமை வகித்தாா். ஒன்றியக் குழுத் தலைவா் அய்யாக்கண்ணு, வட்டார வளா்ச்சி அலுவலா் பரமேஸ்வரன் ஆகியோா் முன்னிலை வகித்தனா். வட்டார மருத்துவ அலுவலா் சரவணன் வரவேற்றாா். மாவட்ட ஊராட்சிக் குழு உறுப்பினா் ஆராஞ்சி எஸ்.ஆறுமுகம் கலந்து கொண்டு மருத்துவ முகாமை தொடக்கிவைத்து, பள்ளி மாணவ-மாணவிகளுக்கு இலவச மூக்குக் கண்ணாடிகளை வழங்கினாா்.

மேலும், தமிழக அரசின் 8 மாத சாதனைகளை பொதுமக்களுக்கு விளக்கினாா். மருத்துவ முகாமில் திரளானோா் கலந்து கொண்டு பயன் பெற்றனா்.

முகாமில் உயா்நிலைப் பள்ளித் தலைமை ஆசிரியா் துரைராஜ், தலைமை ஆசிரியை கவிதா, அட்மா ஆலோசனைக் குழுத் தலைவா் சோமாசிபாடி உள்பட பலா் கலந்து கொண்டனா்.