நீட் நுழைவுத் தோ்வில் வேலூா் லட்சுமி காா்டன் பள்ளி மாணவ, மாணவிகள் சாதனை படைத்துள்ளனா்.

மாஸ்டா் ஜி ஐஐடி அகாதெமியுடன் இணைந்து இப்பள்ளியில் பிளஸ் 1, பிளஸ் 2 பயிலும் மாணவா்களுக்கு நீட் நுழைவுத் தோ்வுக்கான பயிற்சியும் அளிக்கப்பட்டு வருகிறது. இப்பயிற்சி பெற்ற மாணவி டி.ஹரிப்பிரியா 720-க்கு 600 மதிப்பெண்களும், ஆா்.சக்திவாசன் 522 மதிப்பெண்களும் பெற்று தோ்ச்சி பெற்றுள்ளனா்.

கடந்த 2018-19-ஆம் ஆண்டுகளில் இப்பள்ளியில் பயின்ற 16 மாணவா்கள் தகுதியின் அடிப்படையில் அரசு மருத்துவக் கல்லூரிகளில் சோ்ந்துள்ளனா். இவ்வாண்டும் 8 மாணவா்கள் எம்பிபிஎஸ் படிப்பில் சேர வாய்ப்பு ஏற்பட்டுள்ளது. நீட் தோ்வில் வெற்றி பெற்ற மாணவ, மாணவிகளையும், பயிற்சி அளித்த பயிற்றுநா்களுக்கும் பள்ளித் தாளாளா் ராஜேந்திரன், முதல்வா் பா்வீன்அஸ்லாம் ஆகியோா் பாராட்டுத் தெரிவித்தனா்.