வால்பாறையில் உள்ள வாட்டா்ஃபால் எஸ்டேட் தேயிலைத் தோட்டங்களில் பணியாற்றும் தொழிலாளா்களுக்கு 13 சதவீதம் போனஸ் வழங்குவதாக நிா்வாகத்தினா் அறிவித்துள்ளனா்.

ஆண்டுதோறும் தீபாவளி பண்டிகைக்கு முன்னதாக வால்பாறை பகுதியில் உள்ள தனியாா் தேயிலைத் தோட்டங்களில் பணியாற்றும் தொழிலாளா்களுக்கு போனஸ் வழங்கப்படுகிறது.

வால்பாறையில் இருந்து பொள்ளாச்சி செல்லும் வழியில் உள்ளது வாட்டா்ஃபால் எஸ்டேட். இந்த நிா்வாகத்தினருக்குச் சொந்தமான தேயிலைத் தோட்டங்களில் பணியாற்றும் 2 ஆயிரத்துக்கும் மேற்பட்ட தொழிலாளா்களுக்கு 2018-19 ஆம் ஆண்டுக்கான தீபாவளி போனஸ் 13 சதவீதம் வழங்குவதாக அறிவிக்கப்பட்டுள்ளது.

வால்பாறை பகுதியில் உள்ள அனைத்து எஸ்டேட் நிா்வாகத்தினரும் 9 சதவீதத்துக்குக் குறைவாக போனஸ் வழங்கியுள்ள நிலையில் வாட்டா்ஃபால் எஸ்டேட் நிா்வாகம் மட்டும் 13 சதவீதம் போனஸ் வழங்கியிருப்பது குறிப்பிடத்தக்கது.