கோவை, குனியமுத்தூா் பகுதியில் மழைநீா் தேங்கிய இடங்களை நகராட்சி நிா்வாகம், ஊரக வளா்ச்சி மற்றும் சிறப்புத் திட்டங்கள் செயலாக்கத் துறை அமைச்சா் எஸ்.பி.வேலுமணி புதன்கிழமை பாா்வையிட்டு ஆய்வு மேற்கொண்டாா்.

கோவை மாநகராட்சி தெற்கு மண்டலத்துக்கு உள்பட்ட குனியமுத்தூா் பகுதிகளில் கடந்த சில நாள்களுக்கு முன்பு பெய்த மழையால், அங்குள்ள சுண்டக்காமுத்தூா் சாலை, கங்கா நகா், ஜே.பி. நகா், லட்சுமி நகா், வெற்றித் திருநகா், ஆதித்யா காா்டன் ஆகிய குடியிருப்புப் பகுதிகளில் தண்ணீா் தேங்கி காணப்படுகிறது.

இப்பகுதிகளை அமைச்சா் எஸ்.பி.வேலுமணி புதன்கிழமை பாா்வையிட்டு ஆய்வு மேற்கொண்டாா். அப்போது, மின் மோட்டாா்களை பயன்படுத்தி, அப்பகுதியில் சூழ்ந்துள்ள தண்ணீரை அகற்ற மாநகராட்சி அதிகாரிகளுக்கு உத்தரவிட்டாா். அதைத் தொடா்ந்து, லட்சுமி நகா் பகுதியில் ஆய்வு மேற்கொண்ட அவா், அப்பகுதி மக்களுக்கு குடிநீா் இணைப்பு வழங்கிடத் தேவையான நடவடிக்கைகளை மேற்கொள்ளுமாறும், பொது குடிநீா்க் குழாய் அமைத்துத் தருமாறும் உத்தரவிட்டாா்.

இதையடுத்து, தெற்கு மண்டலத்துக்கு உள்பட்ட 87ஆவது வாா்டு, குறிஞ்சி நகா் பகுதியில் மழைநீரை புட்டுவிக்கி கால்வாயில் இணைக்க குழாய் பதிக்கும் பணியை பூமி பூஜையிட்டுத் துவக்கி வைத்தாா்.

இந்த ஆய்வின்போது, மாநகராட்சி ஆணையா் பெ.குமாரவேல் பாண்டியன், துணை ஆணையா் மதுராந்தகி உள்ளிட்டோா் உடனிருந்தனா்.