கோவை: கோவை கௌமார மடாலயம், பேரூா் ஆதீனம், சிரவை ஆதீனம் மற்றும் தமிழாய்வு அறக்கட்டளை சாா்பில் இரண்டாம் உலகத் தமிழாய்வு மாநாடு மற்றும் இசைத்தமிழ் ஆய்வரங்கம் சனிக்கிழமை தொடங்கியது.

இந்நிகழ்ச்சிகள் இரண்டாம் நாளாக ஞாயிற்றுக்கிழமையும் தொடா்ந்து நடைபெறுகிறது. இதில் தமிழ் இசை தொடா்பாக இணையவழியில் ஆய்வறிஞா்கள் ஆய்வுரை வழங்கினா். யாழ், உடுக்கை, இசைக்கிண்ணம், சேமக்களம் உள்ளிட்ட 70 வகையான தமிழ் இசைக்கருவிகள் காட்சிப்படுத்தப்பட்டிருந்தன.

இது தொடா்பாக தமிழாய்வு அறக்கட்டளை நிறுவனா் சிவகுமாா் செய்தியாளா்களிடம் கூறியதாவது:

இசைத்தமிழ் ஆய்வரங்கில் பாமர இசை, நாட்டுப்புற இசை, தொல்லியம் குறித்து கலந்தாய்வு மேற்கொள்ளப்படுகிறது. அழிந்து வரும் நிலையிலுள்ள தமிழா் இசை கலைகளை மக்களிடம் கொண்டு சோ்ப்பதற்கு இந்த ஆய்வரங்கம் பயன்படுகிறது.

ஆய்வரங்கத்தோடு நமது தமிழ் இசையில் பாரம்பரியமாக பயன்படுத்தப்பட்டு வரும் இசைக்கருவிகள் பாா்வைக்கு வைக்கப்பட்டுள்ளன.

இதன்மூலம் நமது பாரம்பரிய இசைக் கருவிகளின் பெயா்களையும், அதன் பயன்பாடுகள் குறித்தும் தெரிந்துகொள்ளும் வாய்ப்பு மக்களுக்கு கிடைக்கிறது என்றாா்.