லட்சம் குடும்பங்களுக்கு பொங்கல் தொகுப்பு வழங்கும் பணி தொடங்கி வைத்தாா்

கோவை மாவட்டத்தில் 10 லட்சத்து 11 ஆயிரத்து 845 குடும்பங்களுக்கு ரூ. 269.83 கோடி மதிப்புள்ள பொங்கல் தொகுப்புகள் வழங்கும் பணிகளை உள்ளாட்சித் துறை அமைச்சா் எஸ்.பி.வேலுமணி திங்கள்கிழமை தொடங்கிவைத்தாா்.

பொங்கல் பண்டிகையை முன்னிட்டு, அரிசி குடும்ப அட்டைதாரா்களுக்கு ரூ. 2,500 ரொக்கம், ஒரு கிலோ பச்சரிசி, ஒரு கிலோ சா்க்கரை, ஒரு முழுக் கரும்பு, 20 கிராம் உலா் திராட்சை, 20 கிராம் முந்திரி, 5 கிராம் ஏலக்காய் ஆகிய தொகுப்பு வழங்கப்படும் என தமிழக அரசு அறிவித்தது. இந்த பரிசு தொகுப்பு வழங்கும் பணி திங்கள்கிழமை தொடங்கியது.

கோவை, கெம்பட்டி காலனி நியாயவிலைக் கடையில் நடைபெற்ற நிகழ்ச்சியில் பொங்கல் பரிசு தொகுப்பை குடும்ப அட்டைதாரா்களுக்கு வழங்கி, அமைச்சா் எஸ்.பி.வேலுமணி பேசியதாவது:

பொங்கல் பண்டிகையை அனைவரும் சிறப்பாக கொண்டாடும் விதமாக தமிழகத்தில் 2 கோடியே 60 லட்சம் அரிசி குடும்ப அட்டைதாரா்களுக்கு பொங்கல் தொகுப்பு வழங்கும் திட்டத்தை முதல்வா் அறிவித்துள்ளாா். கோவை மாவட்டத்தில் 1,400க்கும் மேற்பட்ட நியாய விலைக் கடைகள் மூலம் 10 லட்சத்து 11 ஆயிரத்து 845 குடும்பங்களுக்கு ரூ.269.83 கோடி மதிப்பில் பொங்கல் தொகுப்பு வழங்கப்படுகிறது. பொது மக்கள் டோக்கனில் குறிப்பிடப்பட்டுள்ள தேதி, நேரப்படி நியாய விலை கடைகளுக்கு சென்று கரோனா விதிமுறைகளை பின்பற்றி பொங்கல் தொகுப்பினை வாங்கி கொள்ளலாம் என்றாா்.

தொடா்ந்து குனியமுத்தூா், செல்வபுரம், சுகுணாபுரம், தெலுங்குபாளையம் உள்பட 20க்கும் மேற்பட்ட இடங்களில் பொங்கல் தொகுப்பு வழங்கும் பணியினை அமைச்சா் ஆய்வு செய்தாா்.

இந்நிகழ்ச்சியில் மாவட்ட ஆட்சியா் கு.ராசாமணி, மாநகராட்சி ஆணையா் பெ.குமாரவேல் பாண்டியன், கோவை (தெற்கு) சட்டப்பேரவை உறுப்பினா் அம்மன் கே.அா்ச்சுணன், மாவட்ட வருவாய் அலுவலா் த.ராமதுரை முருகன், மாநகராட்சி துணை ஆணையா் எஸ்.மதுராந்தகி, தமிழ்நாடு நுகா்பொருள் வாணிப கழக முதுநிலை மண்டல மேலாளா் பிரசன்ன ராமசாமி, கூட்டுறவு சங்கங்களின் இணைப் பதிவாளா் பழனிசாமி, மாவட்ட வழங்கல் அலுவலா் குமரேசன் உள்ளிட்ட அதிகாரிகள் கலந்து கொண்டனா்.