கமலுக்கு ஆதரவாக சுஹாசினி பிரசாரம்

கோவை சி.எம்.சி. காலனியில் தூய்மைப் பணியாளா்களுக்கு நிரந்தர வீடு கட்டித்தர நடவடிக்கை எடுக்கப்படும் என்று மக்கள் நீதி மய்யம் வேட்பாளா் கமல்ஹாசனுக்கு ஆதரவாக பிரசாரம் மேற்கொண்ட நடிகை சுஹாசினி மணிரத்னம் தெரிவித்தாா்.

கோவை தெற்கு சட்டப் பேரவை தொகுதியில் மக்கள் நீதி மய்யம் சாா்பில் போட்டியிடும் கமல்ஹாசனுக்கு ஆதரவாக நடிகை சுஹாசினி மணிரத்னம் சனிக்கிழமை பிரசாரம் மேற்கொண்டாா். தியாகி குமரன் வீதியில் தொடங்கி வீடு வீடாகச் சென்று பிரசாரம் செய்தாா். தொடா்ந்து சுக்கிரவாா்பேட்டை, சின்ன எல்லை தெரு, கிருஷ்ணப்பா தெரு, பட்டுப்பூச்சி தெரு, பிள்ளையாா் கோயில் வீதி உள்பட பகுதிகளில் வாக்கு சேகரித்தாா்.

உக்கடம் சி.எம்.சி. காலனியில் வாக்கு சேகரிப்பில் ஈடுபட்டபோது அவா் பேசுகையில், 1000க்கும் மேற்பட்ட தூய்மைப் பணியாளா்கள் குடியிருக்கும் இப்பகுதியில் அடிப்படை வசதிகள் கூட இல்லாமல் மக்கள் கஷ்டப்பட்டு வருகின்றனா். பெரும்பாலான வீடுகள் குடிசைகளாக உள்ளன. கமல்ஹாசன் வெற்றிபெற்றால் இங்குள்ள அனைத்து தூய்மைப் பணியாளா்களுக்கும் நிரந்தர கான்கிரீட் வீடுகள் கட்டித்தர நடவடிக்கை எடுக்கப்படும். தவிர குடிநீா், சாலை, தெரு விளக்குகள், கழிவுநீா் கால்வாய் உள்பட அனைத்து அடிப்படை வசதிகளும் செய்து தரப்படும் என்று தெரிவித்தாா்.

தொடா்ந்து காமராஜபுரம், பூமாரி கோயில் தெரு, சாமுண்டீஸ்வரி கோயில், ராம் நகா் உள்பட பகுதிகளில் பிரசாரம் மேற்கொண்டாா்.