வாக்காளா் பெயா் சோ்க்க சிறப்பு முகாம்: இன்றும், நாளையும் நடைபெறுகிறது

கோவை மாவட்டத்தில் வாக்காளா் பட்டியலில் பெயா் சோ்க்க சிறப்பு முகாம், நவம்பா் 27, 28 ஆகிய இரு நாள்கள் நடைபெறும் என மாவட்ட நிா்வாகம் சாா்பில் தெரிவிக்கப்பட்டுள்ளது.

இது குறித்து, மாவட்ட நிா்வாகம் வெளியிட்டுள்ள செய்திக் குறிப்பு: கோவை மாவட்டத்தில் ஏற்கெனவே நவம்பா் 13, 14, 20, 21 ஆகிய தேதிகளில் வாக்காளா் பட்டியலில் பெயா் சோ்ப்பு, பெயா் நீக்கம், திருத்தம் மற்றும் முகவரி மாற்றம் உள்ளிட்டவற்றிற்கு சிறப்பு முகாம் நடத்தப்பட்டது. அதன் தொடா்ச்சியாக, நவம்பா் 27 ( சனிக்கிழமை), 28 ( ஞாயிற்றுக்கிழமை) ஆகிய இரு நாள்கள், கோவை மாவட்டத்தில் உள்ள அனைத்து சட்டப் பேரவைத் தொகுதிகளில் உள்ள அனைத்து நிா்ணயிக்கப்பட்ட வாக்குச் சாவடி மையங்களிலும் காலை 10 முதல் மாலை 5 மணி வரை சிறப்பு முகாம்கள் நடைபெற உள்ளன.

எனவே, வாக்காளா் பட்டியலில் புதிதாக பெயா் சோ்க்க, திருத்தம் செய்ய, பெயா் நீக்க இந்த முகாமை பயன்படுத்திக் கொள்ளலாம்.

மேலும் இணையதளம் மூலமாகவும், கைப்பேசி செயலி மூலமாகவும் விண்ணப்பிக்கலாம் எனத் தெரிவிக்கப்பட்டுள்ளது.