ஆனைமலை மாசாணியம்மன் கோயில் தேரோட்டம்: வெளிமாநிலம், வெளிமாவட்ட பக்தா்களுக்குத் தடை

கோவை மாவட்டம், ஆனைமலை மாசாணியம்மன் கோயில் தேரோட்டத்தில் வெளிமாநிலம், வெளிமாவட்ட பக்தா்கள் கலந்துகொள்ள தடை விதிக்கப்படுவதாக மாவட்ட ஆட்சியா் ஜி.எஸ்.சமீரன் தெரிவித்துள்ளாா்.

கோவை, ஆனைமலை மாசாணியம்மன் கோயில் தேரோட்டம், கோனியம்மன் தோ்த் திருவிழா நிகழ்ச்சிகளுக்கு பாதுகாப்பு நடவடிக்கைகள் மேற்கொள்வது தொடா்பாக, மாவட்ட ஆட்சியா் ஜி.எஸ்.சமீரன் தலைமையில் ஆய்வுக் கூட்டம், மாவட்ட ஆட்சியா் அலுவலகத்தில் வெள்ளிக்கிழமை நடைபெற்றது.

இக்கூட்டத்துக்கு மாவட்டக் காவல் கண்காணிப்பாளா் செல்வநாகரத்தினம், மாநகராட்சி ஆணையா் ராஜகோபால் சுன்கரா உள்ளிட்ட அதிகாரிகள் முன்னிலை வகித்தனா்.

இதில் மாவட்ட ஆட்சியா் ஜி.எஸ்.சமீரன் பேசியதாவது: கோவை மாவட்டம், பொள்ளாச்சி அருகே ஆனைமலை மாசாணியம்மன் கோயில் மயான பூஜை வருகின்ற 14 ஆம் தேதியும், கோவை டவுன்ஹால் பகுதியில் உள்ள கோனியம்மன் கோயில் திருவிழா மாா்ச் 2 ஆம் தேதியும் நடைபெற உள்ளன.

இத்திருவிழா நாள்களில் வழிபாட்டுத் தலங்களில் அரசால் தெரிவிக்கப்பட்டுள்ள நிலையான வழிகாட்டு நெறிமுறைகளைப் பொதுமக்கள்

தவறாமல் கடைப்பிடிக்க வேண்டும்.

கரோனா நோய்த் தொற்று முன்னெச்சரிக்கை நடவடிக்கையாக மாசாணியம்மன் கோயிலில் 14 ஆம் தேதி நடைபெறும் மயான பூஜை, 16 ஆம் தேதி நடைபெறும் சித்திரத்தோ் வடம் பிடித்தல் மற்றும் குண்டம் வளா்த்தல், 17 ஆம் தேதி நடைபெறும் குண்டம் இறங்குதல் ஆகிய நிகழ்ச்சிகளுக்கு வெளிமாநிலம், வெளிமாவட்டங்களில் இருந்து வரும் பக்தா்கள் மற்றும் பொதுமக்கள் கலந்துகொள்ள தடை விதிக்கப்பட்டுள்ளது. திருவிழாக்களில் கலந்துகொள்ளும் உள்ளூா் பக்தா்கள், கட்டாயம் முகக் கவசம் அணிந்து, சமூக இடைவெளியைப் பின்பற்ற வேண்டும் என்றாா்.