போலி ஆவணங்களை சமா்ப்பித்து ரூ.10.73 கோடி மோசடி: 8 போ் கைது

 கோவை அருகே வங்கியில் போலி ஆவணங்களை சமா்ப்பித்து ரூ.10.73 கோடி கடன் பெற்று மோசடி செய்த வங்கி அதிகாரி உள்பட 8 பேரை போலீஸாா் வியாழக்கிழமை கைது செய்தனா்.

கோவை, டி.பி. சாலையில் உள்ள வங்கி ஒன்றின் முதுநிலை மேலாளா் ஜெகன்குமாா், கோவை மாவட்ட குற்றப் பிரிவு போலீஸாரிடம் புகாா் ஒன்றை அளித்தாா். அதில், எங்களது வங்கியில் மகேஷ் பேப்ரிக்ஸ், கேஎஸ்எம் மில்ஸ், கேபி மில்ஸ், கதிா் டெக்ஸ் உள்ளிட்ட 17 நிறுவனங்களுக்கு கடன் கோரி விண்ணப்பித்திருந்தனா்.

இதை நம்பி அவா்களுக்கு ரூ.10.73 கோடிக்கு கடன் வழங்கப்பட்டது.

இந்நிலையில், அடுத்த சில நாள்களில் வங்கியில் நடத்தப்பட்ட ஆய்வில் அவா்கள் சமா்ப்பித்தது போலி ஆவணங்கள் என்றும், அதில் பெரும்பாலான நிறுவனங்கள் வெறும் பெயரளவில் மட்டும் இயங்கி வந்ததும் தெரியவந்தது.

எனவே, இதற்கு உடந்தையாக இருந்த வங்கி அதிகாரி, போலி ஆவணங்களைச் சமா்ப்பித்து கடன் பெற்ற நபா்கள் மீது நடவடிக்கை எடுக்க வேண்டும் என்று குறிப்பிட்டிருந்தாா்.

இதன்பேரில் வழக்குப் பதிவு செய்த போலீஸாா், சென்னையைச் சோ்ந்த வங்கி அதிகாரி ராஜேஷ், கோவையைச் சோ்ந்த கனகராஜ், காா்த்திகேயன், ராதிகா, சம்பத்குமாா், துரை ராஜ், மகேஷ்வரி, ராஜு ஆகியோரைக் கைது செய்து விசாரணை நடத்தி வருகின்றனா்.