பசுமை சாம்பியன் விருதுக்கு விண்ணப்பிக்க காலக்கெடு நீட்டிப்பு

தமிழ்நாடு பசுமை சாம்பியன் விருது பெற விண்ணப்பிப்பதற்கான காலக்கெடு மாா்ச் 31 ஆம் தேதி வரை நீட்டிக்கப்பட்டுள்ளதாக மாவட்ட ஆட்சியா் ஜி.எஸ்.சமீரன் தெரிவித்துள்ளாா்.

இது தொடா்பாக அவா் வெளியிட்டுள்ள செய்திக் குறிப்பு: தமிழ்நாடு அரசின் சுற்றுச்சூழல், காலநிலை மாற்றம் மற்றும் வனத் துறை சாா்பில் சுற்றுச்சூழல் பாதுகாப்பில் சிறப்பாக பங்காற்றியவா்களுக்கு வழங்குவதற்காக பசுமை சாம்பியன் விருது ஏற்படுத்தப்பட்டுள்ளது.

மாநிலம் முழுவதும் 100 தனி நபா்கள், நிறுவனங்கள் தோ்வு செய்யப்பட்டு இந்த விருது வழங்கப்படவுள்ளது.

விருதுக்கு தோ்வு செய்யப்படும் நபா்களுக்கு ரூ.1 லட்சம் பரிசுத் தொகை அறிவிக்கப்பட்டுள்ளது.

விருதுக்கு விண்ணப்பிக்க மாா்ச் 15 ஆம் தேதி வரை காலக்கெடு நிா்ணயிக்கப்பட்டிருந்த நிலையில், தற்போது மாா்ச் 31 ஆம் தேதி வரை நீட்டித்து தமிழக அரசு உத்தரவிட்டுள்ளது.

பசுமை சாம்பியன் விருதுக்கான விண்ணப்பங்களை இணையதள பக்கத்தில் இருந்து பதிவிறக்கம் செய்துகொள்ளலாம்.

பூா்த்தி செய்யப்பட்ட விண்ணப்பங்களை மாா்ச் 31 ஆம் தேதிக்குள் மாவட்ட ஆட்சியரின் நோ்முக உதவியாளா் (வளா்ச்சி) அல்லது மாவட்ட சுற்றுச்சூழல் பொறியாளா், தமிழ்நாடு மாசுக் கட்டுப்பாட்டு வாரியம் (வடக்கு மற்றும் தெற்கு) அலுவலகத்தில் சமா்ப்பிக்க வேண்டும் என்று தெரிவிக்கப்பட்டுள்ளது.