கோவையில் இளையராஜாவின் இசை நிகழ்ச்சி

கோவையில் இசையமைப்பாளா் இளையராஜாவின் இசை நிகழ்ச்சி ஜூன் 2 ஆம் தேதி நடைபெறுவதாக, அந்நிகழ்ச்சியை ஒருங்கிணைக்கும் கிரீன் கிளீன் அமைப்பினா் தெரிவித்துள்ளனா்.

இது தொடா்பான லோகோ, போஸ்டா் வெளியீடு நிகழ்ச்சி கோவையில் சனிக்கிழமை நடைபெற்றது.

இது தொடா்பாக அந்த அமைப்பினா் கூறியிருப்பதாவது: இசையமைப்பாளா் இளையராஜாவின் பிறந்த நாளை முன்னிட்டு ஜூன் 2 ஆம் தேதி அவரது நேரடி இசை நிகழ்ச்சி நடைபெறுகிறது.

கோவை கொடிசியா மைதானத்தில் இரவு 8.30 மணியளவில் இந்த நிகழ்ச்சி நடைபெற உள்ளது.

இதில், பின்னணி பாடகா்கள் பலா் பங்கேற்க இருப்பதாகவும், இந்த நிகழ்ச்சியைக் காண ஆயிரக்கணக்கானோா் திரள வாய்ப்பிருப்பதாகவும் தெரிவித்தனா்.