வால்பாறையில் இருந்து ஹைபாரஸ்ட் எஸ்டேட்டுக்கு இயக்கப்படும் அரசுப் பேருந்துகள், சேதமான சாலையை காரணம் காட்டி இரவில் நல்லமுடி எஸ்டேட் வரை மட்டுமே இயக்கப்படுவதாகவும், இதனால் பாதியில் இறக்கிவிடப்படும் பயணிகள் பாதிக்கப்படுவதாகவும் ஹைபாரஸ்ட் எஸ்டேட் தொழிலாளா்கள் புகாா் தெரிவித்துள்ளனா்.

வால்பாறை அடுத்துள்ளது ஹைபாரஸ்ட் எஸ்டேட். வால்பாறை பேருந்து நிலையத்தில் இருந்து புறப்படும் பேருந்து சோலையாறு, முடீஸ், நல்லமுடி எஸ்டேட் வழியாக ஹைபாரஸ்ட் எஸ்டேட் வரை செல்கிறது. இதில் நல்லமுடி எஸ்டேட்டில் இருந்து ஹைபாரஸ்ட் எஸ்டேட் வரை உள்ள சுமாா் 3 கி.மீ. தொலைவிலான சாலை மிகவும் சேதமடைந்த நிலையில் இருப்பதால் அரசு பேருந்துகள் இரவு 6 மணிக்கு மேல் நல்லமுடி எஸ்டேட் வரை மட்டுமே செல்வதாக கூறப்படுகிறது.

இந்நிலையில் புதன்கிழமை இரவு 8 மணிக்கு ஹைபாரஸ்ட் எஸ்டேட்டுக்கு சென்ற பேருந்து நல்லமுடி எஸ்டேட் பேருந்து நிறுத்தத்திலேயே நிறுத்தப்பட்டுள்ளது. அப்போது பேருந்தில் பயணித்த கைக்குழுந்தையுடன் இருந்த ஒரு பெண்ணும் இறக்கிவிடப்பட்டுள்ளாா். அவா் அதன்பிறகு எப்படி செல்வது என்று தெரியாமல் தவித்துள்ளாா். பின் வேறு ஒருவரின் உதவியுடன் வாகனத்தில் தன் குடியிருப்புக்குச் சென்றுள்ளாா்.

இதையடுத்து ஹைபாரஸ்ட் எஸ்டேட்டை சோ்ந்த ஏராளமான பொதுமக்கள் மற்றும் தொழிலாளா்கள் வால்பாறை வட்டாட்சியா்அலுவலகத்துக்கு வியாழக்கிழமை வந்து வட்டாட்சியா் சிவகுமாரிடம் இது தொடா்பாக புகாா் அளித்தனா்.

பின்னா் இதுகுறித்து போக்குவரத்துத் துறை மற்றும் நகராட்சி நிா்வாக அதிகாரிகள் முன்னிலையில் நடைபெற்ற பேச்சுவாா்த்தையில், இரவு நேரத்தில் ஹைபாரஸ்ட் எஸ்டேட் பேருந்து நிறுத்தம் வரை பேருந்து இயக்கப்படும் என போக்குவரத்து அதிகாரிகள் உறுதியளித்தனா். இதையடுத்து பொதுமக்கள் திரும்பிச் சென்றனா்.