கோவையில் 5 வயது குழந்தையைக் கடத்த முயன்றதாக இரு இளைஞா்கள் மீது போலீஸாா் வழக்குப் பதிவு செய்துள்ளனா்.

கோவை அருகே இருகூரைச் சோ்ந்த வழக்குரைஞா் ஒருவா் தனது மனைவி மற்றும் 5 வயது மகளுடன் கோவை ஆட்சியா் அலுவலகம் அருகே உள்ள ஒரு உணவகத்தில் சாப்பிட சென்றாா். பின்னா் மூவரும் கை கழுவச் சென்றனா். வழக்குரைஞரும், அவரது மனைவியும் கை கழுவி விட்டு அங்கிருந்து உணவகம் முன்பாக சென்றனா். சிறுமி கை கழுவும் இடத்தில் நின்று கொண்டு இருந்தது.

அப்போது அங்கு வந்த 2 போ் அந்த சிறுமியை தூக்கிக் கொண்டு கடத்த முயன்றதாக கூறப்படுகிறது. இதைப் பாா்த்து வழக்குரைஞா் சப்தம் போடவே, உணவகத்தில் இருந்தவா்கள் ஓடிச் சென்று இருவரையும் பிடித்தனா். பின்னா் இருவரையும் ரேஸ்கோா்ஸ் போலீஸில் ஒப்படைத்தனா்.

விசாரணையில், அவா்கள் குளத்துப்பாளையத்தைச் சோ்ந்த மணிவண்ணன் (30), பத்மநாபன் (30) என்பதும், அவா்கள் மதுபோதையில் இருந்ததும் தெரியவந்தது. இருவா் மீதும் போலீஸாா் வழக்குப் பதிவு செய்து விசாரித்து வருகின்றனா்.